Others
നിര്‍ജ്ജലീകരണം അപകടമാണ്; തടയാനുള്ള മാര്‍ഗങ്ങളറിയുക
എല്ലാ ദിവസവും ആവശ്യത്തിന് വെള്ളം കുടിക്കേണ്ടത് ആരോഗ്യത്തിന് നിര്‍ണായകമാണെന്ന് നമുക്ക് അറിയാം. ശരീരത്തില്‍ മതിയായ ജലാംശം നിലനിര്‍ത്തുന്നത് വൃക്കയില്‍ കല്ലുകള്‍ക്കുള്ള സാധ്യത കുറയ്ക്കുന്നതിലും ഭാരം നിയന്ത്രിക്കുന്നതിലും ഒരു പങ്ക് വഹിക്കുന്നുണ്ടെന്ന് ഗവേഷണങ്ങള്‍ കണ്ടെത്തിയിട്ടുണ്ട്. ശരീരം ആരോഗ്യത്തോടെ തുടരാനും മാനസികവും ശാരീരികവുമായ ആരോഗ്യം വര്‍ദ്ധിപ്പിക്കാനും മതിയായ വെള്ളം കുടിക്കേണ്ടത് അത്യന്താപേക്ഷിതമാണ്. സ്ത്രീകള്‍ പ്രതിദിനം 2.7 ലിറ്റര്‍ വെള്ളവും പുരുഷന്മാര്‍ പ്രതിദിനം 3.7 ലിറ്റര്‍ വെള്ളം കുടിക്കണമെന്നാണ് ഈ രംഗത്തെ വിദഗ്ധര്‍ പറയുന്നത്്.
നിങ്ങളുടെ ശരീരത്തില്‍ എത്തുന്നതിനേക്കാള്‍ ജലാംശം നഷ്ടപ്പെടുമ്പോഴാണ് നിങ്ങള്‍ക്ക് നിര്‍ജ്ജലീകരണം സംഭവിക്കുന്നത്. തലവേദന, ക്ഷീണം, തലകറക്കം, ബലഹീനത, വരണ്ട വായ, വരണ്ട ചുമ, വിശപ്പില്ലായ്മ, മലബന്ധം, മൂത്രത്തിന് നിറവ്യത്യാസം തുടങ്ങിയവ നിര്‍ജ്ജലീകരണത്തിന്റെ കൂടി ലക്ഷണങ്ങളാണ്.
നിര്‍ജ്ജലീകരണത്തിന്റെ അപകടങ്ങള്‍
നിര്‍ജ്ജലീകരണം നിങ്ങളുടെ ശരീരത്തെ എങ്ങനെ ബാധിക്കുന്നു എന്നത് നിങ്ങള്‍ക്ക് എത്രത്തോളം നിര്‍ജ്ജലീകരണം സംഭവിച്ചു എന്നതിനെ ആശ്രയിച്ചിരിക്കുന്നു. ഇരുണ്ട മഞ്ഞ മൂത്രമോ തലവേദനയോ പോലുള്ള നേരിയ ലക്ഷണങ്ങള്‍ സാധാരണയായി കൂടുതല്‍ വെള്ളം കുടിക്കുന്നതിലൂടെ പരിഹരിക്കാനാകും.തലകറക്കവും മാനസിക ആശയക്കുഴപ്പവും ഉള്‍പ്പെടെയുള്ള നിര്‍ജ്ജലീകരണത്തിന്റെ കൂടുതല്‍ ഗുരുതരമായ ലക്ഷണങ്ങള്‍ക്ക് വൈദ്യസഹായം ആവശ്യമാണ് .
നിര്‍ജ്ജലീകരണം തലച്ചോറില്‍ വലിയ സ്വാധീനം ചെലുത്തുന്നുണ്ട്. ഇത് നിങ്ങളുടെ വൈജ്ഞാനിക പ്രകടനത്തെ തടസ്സപ്പെടുത്തുന്നു, അതിനാല്‍ നിങ്ങള്‍ക്ക് ഓര്‍മ്മ, ഏകാഗ്രത, അല്ലെങ്കില്‍ തീരുമാനങ്ങള്‍ എടുക്കല്‍ എന്നിവയില്‍ പ്രശ്നമുണ്ടാകാം. പേശികളുടെ ശക്തി കുറയുമ്പോള്‍ ഏകോപനവും വേഗതയും പോലുള്ള സൈക്കോമോട്ടോര്‍ കഴിവുകളെയും ഇത് ബാധിക്കും.
നിര്‍ജ്ജലീകരണം നിങ്ങളുടെ ഹൃദയത്തിന് ദോഷകരമാണ്. നിങ്ങളുടെ രക്തത്തില്‍ വളരെ കുറച്ച് ജലം ഉള്ളപ്പോള്‍ അത് കഠിനമായി പ്രവര്‍ത്തിക്കുകയും നിങ്ങളുടെ വൃക്കകളില്‍ വലിയ സ്വാധീനം ചെലുത്തുകയും ചെയ്യും.കഠിനമായ നിര്‍ജ്ജലീകരണം വൃക്ക തകരാര്‍, അപസ്മാരം, ക്ഷീണം, സ്‌ട്രോക്ക്, കോമ, മരണം എന്നിവയിലേക്ക് നയിച്ചേക്കാം
നിര്‍ജ്ജലീകരണം തടയാനുള്ള വഴികള്‍
നിങ്ങളുടെ കുപ്പിയില്‍ നിന്ന് വെള്ളം കുടിക്കാന്‍ ദാഹിക്കുന്നത് വരെ കാത്തിരിക്കരുത്. ദിവസം മുഴുവനും കൃത്യമായ ഇടവേളകളില്‍ വെള്ളം കുടിക്കുക, പ്രത്യേകിച്ച് നിങ്ങള്‍ പുറത്ത് വെയിലിലാണെങ്കില്‍ അല്ലെങ്കില്‍ കഠിനമായ ശാരീരിക പ്രവര്‍ത്തനങ്ങളില്‍ ഏര്‍പ്പെടുകയാണെങ്കില്‍. ആവശ്യമായ അളവില്‍ വെള്ളം കുടിക്കുന്നുണ്ടെന്ന് ഉറപ്പ് വരുത്തുകകൂടി വേണം.തുടര്‍ച്ചയായി മണിക്കൂറുകളോളം വെയിലത്ത് നില്‍ക്കുന്നത് ഒഴിവാക്കുക.
സോഡിയം, പൊട്ടാസ്യം, കാല്‍സ്യം, ക്ലോറൈഡ്, ഫോസ്ഫറസ്, മഗ്‌നീഷ്യം തുടങ്ങിയ പ്രധാന ധാതുക്കളായ ഇലക്ട്രോലൈറ്റുകള്‍ നിങ്ങള്‍ വിയര്‍ക്കുമ്പോള്‍ നഷ്ടപ്പെടും. ആ നഷ്ടം നികത്താന്‍ ചിലര്‍ സ്പോര്‍ട്സ് പാനീയങ്ങളോ ഇലക്ട്രോലൈറ്റുകള്‍ ചേര്‍ത്ത മറ്റ് പാനീയങ്ങളോ കുടിക്കുന്നു. മികച്ച ഇലക്ട്രോലൈറ്റ് പാനീയങ്ങള്‍ നല്ല രുചിയുള്ളതും പോഷകങ്ങളാല്‍ നിറഞ്ഞതുമാണ.്
നിങ്ങള്‍ക്ക് നിര്‍ജ്ജലീകരണം സംഭവിക്കാനുള്ള സാധ്യതയുണ്ടെങ്കില്‍-ഉദാഹരണത്തിന്, നിങ്ങള്‍ ചൂടില്‍ ഒരു മാരത്തണ്‍ ഓടുകയാണെങ്കില്‍-നിങ്ങളുടെ ആരോഗ്യ പരിരക്ഷാ പരിശീലകന്‍ ഇലക്ട്രോലൈറ്റ് സപ്ലിമെന്റുകള്‍ ഉപയോഗിക്കാന്‍ ശുപാര്‍ശ ചെയ്‌തേക്കാം.
മദ്യവും കഫീന്‍ അടങ്ങിയ പാനീയങ്ങളും നിര്‍ജ്ജലീകരണം കൂടുതല്‍ വഷളാക്കും. ഉദാഹരണത്തിന്, മദ്യം ഒരു ഡൈയൂററ്റിക് ആണ്, അത്് നിങ്ങളുടെ രക്തത്തില്‍ നിന്ന് ജലാംശം നീക്കം ചെയ്യാന്‍ കാരണമാകുന്നു. നിങ്ങള്‍ മദ്യം കഴിക്കുകയാണെങ്കില്‍, നിര്‍ജ്ജലീകരണം തടയാന്‍ ധാരാളം വെള്ളവുമായി ചേര്‍ത്ത് ഉപയോഗിക്കുക.
നിങ്ങള്‍ക്ക് ജലാംശം നിലനിര്‍ത്താനുള്ള ഒരേയൊരു മാര്‍ഗ്ഗം ദ്രാവകങ്ങള്‍ കുടിക്കുന്നത് മാത്രമല്ല. ധാരാളം പഴങ്ങളും പച്ചക്കറികളും കഴിക്കുന്നതും ജലാംശം ഉള്ളിലെത്താന്‍ സഹായിക്കും. തണ്ണിമത്തന്‍,വെള്ളരി, മുന്തിരി തുടങ്ങിയവ ജലാംശം നിലനിര്‍ത്താന്‍ നിങ്ങളെ സഹായിക്കും.
പ്രധാനമായും പുരുഷ ലൈംഗിക ഹോര്‍മോണാണ് ടെസ്റ്റോസ്റ്റിറോണ്‍ . ഈ ഹോര്‍മോണ്‍ മസില്‍ വളര്‍ച്ചയില്‍ നിങ്ങളെ ഏറെ സഹായിക്കുന്നു. ചില വ്യായാമങ്ങള്‍ നിങ്ങളില്‍ ടെസ്റ്റോസ്റ്റിറോണ്‍ ഉത്പാദനം വര്‍ദ്ധിപ്പിക്കും, ചിലത് കുറയ്ക്കും. ഹോര്‍മോണിലെ ഈ ഏറ്റക്കുറച്ചില്‍ നിങ്ങളുടെ വ്യായാമത്തിന്റെ തീവ്രതയെയും ദൈര്‍ഘ്യത്തെയും ആശ്രയിച്ചാണിരിക്കുന്നത്.
ടെസ്റ്റോസ്റ്റിറോണ്‍ അളവ് എപ്പോഴാണ് ഉയര്‍ന്നത്
ടെസ്റ്റോസ്റ്റിറോണ്‍ ശരീരത്തില്‍ ഉല്‍പാദിക്കപ്പെടുന്നതിന്റെ അളവ് ദിവസം മുഴുവന്‍ ചാഞ്ചാടിക്കൊണ്ടിരിക്കും. ടെസ്റ്റോസ്റ്റിറോണ്‍ അളവ് സാധാരണയായി രാവിലെയും ഉച്ചകഴിഞ്ഞും ശരീരത്തില്‍ ഉയര്‍ന്ന നിലയിലായിരിക്കും. വ്യായാമത്തിന് ശേഷം, നിങ്ങളുടെ ടെസ്റ്റോസ്റ്റിറോണ്‍ അളവ് 15 മിനിറ്റോ ഏകദേശം ഒരു മണിക്കൂറോ അതേ ഉയര്‍ന്ന നിലയില്‍ നിലനില്‍ക്കും. ഇതിന് ശേഷം ഹോര്‍മോണ്‍ നില സാധാരണ നിലയിലാകും. ഇങ്ങനെ ടെസ്‌റ്റോസിറോണ്‍ നില സാധാരണ നിലയിലെത്തുമ്പോഴും വ്യായാമത്തിന് ശേഷം നിങ്ങളുടെ ശരീരത്തില്‍ കൂടുതല്‍ ഊര്‍ജം നിറക്കപ്പെട്ടതായി അനുഭവപ്പെടുന്നത് ടെസ്റ്റോസ്റ്റിറോണിനേക്കാള്‍ നിങ്ങളില്‍ മറ്റൊരു ഹോര്‍മോണായ കോര്‍ട്ടിസോളിന്റെ അളവ് വര്‍ദ്ധിക്കുന്നതിനാലാണ്. ഏതാനും മണിക്കൂറുകള്‍ക്കകം കോര്‍ട്ടിസോളിന്റെ അളവും സാധാരണ നിലയിലേക്ക് താഴും. ഈ ഹ്രസ്വ സമയത്തിനുള്ളില്‍ മസില്‍ വളര്‍ച്ചയെ ഏകോപിപ്പിക്കുന്നതിനും കൂടുതല്‍ വെല്ലുവിളികളെ നേരിടാന്‍ സജ്ജമാക്കുകയും ചെയ്യും കോര്‍ട്ടിസോള്‍ ഹോര്‍മോണ്‍.
വെയ്റ്റ് ട്രെയിനിങ്
സ്ട്രെങ്ത് എക്സര്‍സൈസും ഹൈ-ഇന്റന്‍സിറ്റി ഇന്റര്‍വെല്‍ ട്രെയിനിംഗും (എച്ച്ഐഐടി), പ്രത്യേകിച്ച് വെയ്റ്റ് ലിഫ്റ്റിംഗ്, ടെസ്റ്റോസ്റ്റിറോണ്‍ താല്‍ക്കാലികമായി വര്‍ദ്ധിപ്പിക്കുമെന്ന് പഠനങ്ങള്‍ കണ്ടെത്തി. ടെസ്റ്റോസ്റ്റിറോണ്‍ വര്‍ധനയിലെ തീവ്രത നമ്മുടെ വര്‍ക്കൗട്ടിനെ ആശ്രയിച്ചിരിക്കുന്നു. എന്നിരുന്നാലും, ഈ കുതിച്ചുചാട്ടം അധിക നേരം നിലനില്‍ക്കില്ല. രാവിലെയെ അപേക്ഷിച്ച്, വൈകുന്നേരം സ്ട്രെങ്ത് ട്രെയിനിംഗ് വ്യായാമങ്ങള്‍ ചെയ്യുമ്പോള്‍ പുരുഷന്മാരില്‍ ടെസ്റ്റോസ്റ്റിറോണിന്റെ അളവ് കൂടുതല്‍ നീണ്ടുനില്‍ക്കുന്നതായും പഠനത്തില്‍ കണ്ടെത്തിയിട്ടുണ്ട്.
ടെസ്റ്റോസ്റ്റിറോണ്‍ വര്‍ധിപ്പിക്കാനുള്ള വര്‍ക്ക്ഔട്ട്
ചെസ്റ്റ് , ഗ്ലൂട്ടുകളും പോല
Others
‘ഇവക്ക് എന്നേക്കാള്‍ ഇരട്ടി പ്രായമുണ്ട്’; ബാബു ആന്റണിയുടെ ജിം ഉപകരണങ്ങള്‍ പരിചയപ്പെടുത്തി മകന്‍ ആര്‍തര്‍
ഫിറ്റ്‌നസില്‍ അന്നും ഇന്നും യാതൊരു വിട്ടുവീഴ്ചക്കും തയ്യാറാകാത്ത നടനാണ് കായികതാരം കൂടിയായ ബാബു ആന്റണി. ഒരു കാലത്ത് മലയാളം സിനിമ ആക്ഷന്‍ ഹീറോയായി തിളങ്ങിയ ബാബു ആന്റണി വര്‍ക്കൗട്ടുകള്‍ മുടക്കാറെയില്ല. ഇപ്പോള്‍ ബാബു ആന്റണിയുടെ ജിമ്മിലെ പഴയ ഉപകരണങ്ങള്‍ പരിചയപ്പെടുത്തി മകന്‍ ആര്‍തര്‍ ആന്റണി ഫേസ്ബുക്കില്‍ പോസ്റ്റ് ചെയ്ത ഒരു ചിത്രമാണ് ഏറെ ശ്രദ്ധയാകര്‍ഷിക്കുന്നത്. മുന്‍കാലത്ത് വര്‍ക്കൗട്ടിനായി ബാബു ആന്റണി ഉപയോഗിച്ചിരുന്ന ഉപകരണങ്ങളാണ് ചിത്രത്തില്‍.
‘പപ്പ ബെംഗളൂരുവില്‍ താമസിക്കുമ്പോഴും ഇവയെല്ലാം ഉണ്ടായിരുന്നു. ഏകദേശം 35 നു മുകളില്‍ പ്രായം കാണും ഇവയ്ക്ക്. എന്തായാലും എന്റെ പ്രായത്തെക്കാള്‍ ഇരട്ടിയിലധികം പ്രായം ജിമ്മിലെ ഇവയ്‌ക്കെല്ലാം ഉണ്ടെന്നു സാരം. ഇതു കാണുമ്പോള്‍ വല്ലാത്തൊരു ഫീലിങ് ആണ്. ‘ ഫേസ്ബുക്ക് പോസ്റ്റില്‍ ആര്‍തര്‍ കുറിച്ചു.
ഉറക്കവുമായി ബന്ധപ്പെട്ട പ്രശ്നങ്ങള് ഇല്ലാതാക്കാന്‍ മികച്ച മാര്‍ഗം കൃത്യമായി വ്യായാമത്തിലേര്‍പ്പെടുകയെന്ന് പുതിയ പഠനം. നോര്‍വീജിയന്‍ യൂണിവേഴ്‌സിറ്റി ഓഫ് സയന്‍സ് ആന്‍ഡ് ടെക്‌നോളജി നടത്തിയ പഠനത്തിലാണ് ഉറക്കക്കുറവ് പോലുള്ള പ്രശ്‌നങ്ങള്‍ക്ക് ഫിറ്റ്‌നസ് മികച്ച മാര്‍ഗമാണെന്ന് കണ്ടെത്തിയിരിക്കുന്നത്.
പതിവായി വ്യായാമം ചെയ്യുന്ന വ്യക്തികള്‍ക്ക് ഉറക്ക ഗുളികകള്‍ ആവശ്യമായി വരാനുള്ള സാധ്യത കുറവാണെന്ന് വിദഗ്ധര്‍ പഠനത്തില്‍ കണ്ടെത്തി.50 ദശലക്ഷത്തിലധികം അമേരിക്കക്കാര്‍ ഉറക്കമില്ലായ്മ പോലുള്ള 80-ലധികം വ്യത്യസ്ത ഉറക്ക തകരാറുകള്‍ അനുഭവിക്കുന്നുണ്ടെന്ന് ടഹലലുവലമഹവേ.ീൃഴല്‍ നിന്നുള്ള സമീപകാല റിപ്പോര്‍ട്ടില്‍ പറയുന്നു. നോര്‍വേയിലെ ട്രണ്ടെലാഗ് ഹെല്‍ത്ത് സര്‍വേയില്‍ പങ്കെടുത്ത 34,000 മുതിര്‍ന്നവരില്‍ നിന്നുള്ള വിവരങ്ങളെ കേന്ദ്രീകരിച്ചായിരുന്നു ഗവേഷണം. വ്യായാമം ചെയ്യുന്നവര്‍ക്ക് ഉറക്ക ഗുളികകള്‍ ആവശ്യമായി വരാനുള്ള സാധ്യത കുറവാണെന്ന് പഠനത്തില്‍ കണ്ടെത്തിയതാായി പ്രൊഫസര്‍ ലിന്‍ഡ ഏണ്‍സ്റ്റ്‌സെന്‍ പറഞ്ഞു. പഠനത്തില്‍ പങ്കെടുത്തവരില്‍ 17 ശതമാനം പേര്‍ ഗുരുതരമായ ഉറക്ക പ്രശ്നങ്ങള് ഉണ്ടായിരുന്നു .ഏതെങ്കിലും വ്യായാമം ചെയ്യുന്ന വ്യക്തികള്‍ക്ക് ഉറക്ക പ്രശ്നങ്ങള് ഉണ്ടാകാനുള്ള സാധ്യത വളരെ കുറവാണെന്ന് പഠനം വ്യക്തമാക്കുന്നു.
സ്ത്രീകളെ അപേക്ഷിച്ച് ശാരീരികക്ഷമതയുള്ള പുരുഷന്മാര്‍ക്കിടയില്‍ വ്യായാമത്തിന്റെ ഗുണഫലങ്ങള്‍ വളരെ ഏറെയാണെന്നും കണ്ടെത്തി. ഫിറ്റ്‌നസില്‍ ഏറെ ശ്രദ്ധ പുലര്‍ത്തുന്ന പുരുഷന്മാര്‍ക്ക് ഉറക്ക പ്രശ്‌നങ്ങളോ അതിനുള്ള മരുുന്നുകളോ ആവശ്യമായി വരാനുള്ള സാധ്യത 15 ശതമാനം കുറവാണ്. ഉറക്കപ്രശ്നങ്ങള്‍ തടയുന്നതിനുള്ള ഫലപ്രദമായ ബദലായി ഫിറ്റ്‌നസ് മെച്ചപ്പെടുത്തുകയോ പരിപാലിക്കുകയോ ചെയ്യേണ്ടതുണ്ടെന്ന് പ്രൊഫസര്‍ ഏണസ്റ്റ്‌സെന്‍ പറഞ്ഞു.മയോ ക്ലിനിക്ക് പ്രൊസീഡിംഗ്‌സ് എന്ന ജേണലില്‍ പഠനം പ്രസിദ്ധീകരിച്ചു. ശാരീരിക പ്രവര്‍ത്തനങ്ങള്‍ മസ്തിഷ്‌കത്തിലെ വിവിധ രാസവസ്തുക്കളെ ഉത്തേജിപ്പിക്കുന്നു. അത് നിങ്ങള്‍ക്ക് സന്തോഷവും കൂടുതല്‍ വിശ്രമവും നല്‍കുന്നതിനൊപ്പം ഉത്കണ്ഠ കുറയ്ക്കും ചെയ്യുമെന്നും പഠനത്തിലുണ്ട്.
വീണ്ടും അത്ഭുതപ്പെടുത്തി പിങ്കി റോഷന്‍; വീഡിയോ വൈറല്‍
weight loss|ബുദ്ധിപൂര്‍വ്വം വര്‍ക്കൗട്ട് ചെയ്തു; ശരീര ഭാരം 24 കിലോ കുറച്ച ടിപ്‌സ് പങ്കുവെച്ച് യുവാവ്
Fat loss and Treadmill | 15 കിലോ വരെ കുറയ്ക്കാം; 30 മിനിറ്റ് ട്രെഡ്മില്‍ വര്‍ക്ക്ഔട്ട് പങ്കുവെച്ച് ഫാറ്റ് ലോസ് കോച്ച്
-
Fitness Tips3 months agoFat loss and Treadmill | 15 കിലോ വരെ കുറയ്ക്കാം; 30 മിനിറ്റ് ട്രെഡ്മില്‍ വര്‍ക്ക്ഔട്ട് പങ്കുവെച്ച് ഫാറ്റ് ലോസ് കോച്ച്
-
Fitness Tips3 months agoweight loss|ബുദ്ധിപൂര്‍വ്വം വര്‍ക്കൗട്ട് ചെയ്തു; ശരീര ഭാരം 24 കിലോ കുറച്ച ടിപ്‌സ് പങ്കുവെച്ച് യുവാവ്
-
Celebrities3 months agoവീണ്ടും അത്ഭുതപ്പെടുത്തി പിങ്കി റോഷന്‍; വീഡിയോ വൈറല്‍