Fitness Tips
ഇനി നമുക്ക് നടന്നു തുടങ്ങാം
കൊവിഡെന്ന മഹാമാരി പിടിമുറുക്കിയപ്പോഴാണ് ആരോഗ്യകരമായ ജീവിതരീതി പിന്തുടരേണ്ടതിന്റെ ആവശ്യകതയെക്കുറിച്ച് നമ്മളില്‍ പലരും വീണ്ടും ഓര്‍ത്തു തുടങ്ങിയത്. പ്രതിരോധശേഷി വര്‍ധിപ്പിക്കാനും രോഗങ്ങളെ അകറ്റിനിര്‍ത്താനും മാത്രമല്ല ആരോഗ്യകരമായ ജീവിതം നയിക്കാനും വ്യായാമവും മികച്ച ഭക്ഷണരീതിയും ആവശ്യമാണ്. മനുഷ്യന്റെ ശാരീരിക ക്ഷമത നിലനിര്‍ത്തുന്നതില്‍ സുപ്രധാന പങ്കാണ്് വ്യായാമത്തിനുള്ളത്. ഇക്കാര്യത്തില്‍ ഏവരും നൂറില്‍ നൂറ് കൊടുക്കുന്ന ഒരു വ്യായാമമാണ് നടത്തം.
മാനസിക സന്തോഷവും ആരോഗ്യവും
ശാരീരികക്ഷമതയും ഊര്‍ജ്വസ്വലതയും നിലനിര്‍ത്താന്‍ മാത്രമല്ല മാനസികമായ ആരോഗ്യവും മാനസിക സന്തോഷവും പകരാന്‍ പ്രഭാതസവാരിക്ക് ആകുമെന്ന് ഈ മേഖലയില്‍ പ്രവര്‍ത്തിക്കുന്ന വിദഗ്ധര്‍ സാക്ഷ്യപ്പെടുത്തുന്നു. . അനാരോഗ്യകരമായ , ഉദാസീനമായ ശീലങ്ങളില്‍ നിന്ന് വ്യതിചലിക്കാനും ഉപാപചയ പ്രവര്‍ത്തനങ്ങളെ ഉത്തേജിപ്പിക്കാനും പ്രതിരോധശേഷി വര്‍ദ്ധിപ്പിക്കാനും അധിക കലോറി എരിച്ച് കളയാനും ശരീരത്തിലെ അനാവശ്യ കൊഴുപ്പ് കത്തിക്കാനും നടത്തം നമ്മെ സഹായിക്കും. ശക്തമായ പേശികള്‍, എല്ലുകള്‍, സന്ധികള്‍ എന്നിവക്കായി പതിവായി അരമണിക്കൂര്‍ ചെലവഴിക്കുന്നത് ഏറെ ഫലം ചെയ്യും. ആധുനിക കാലത്ത് പലരും പിന്തുടരുന്ന അനാരോഗ്യകരമായ ജീവിതശൈലി അമിതവണ്ണവും അമിതഭാരവുമുള്ള ആളുകളുടെ എണ്ണം കുത്തനെ ഉയത്തുന്നതോടൊപ്പം ജീവിത ശൈലി രോഗങ്ങള്‍ക്കും കാരണമാകുന്നുണ്ട്. ഇവിടെയാണ് പ്രഭാത നടത്തത്തിന്റെ പ്രാധാന്യം. പലര്‍ക്കും ഭക്ഷണ നിയന്ത്രണങ്ങള്‍ പലപ്പോഴും ഒരു വെല്ലുവിളിയാണ്. പതിവ് ഭക്ഷണക്രമത്തിന്റെ ഭാഗമായി എന്ത് ഭക്ഷണങ്ങള്‍ കഴിച്ചാലും, ശരീരഭാരം കുറയ്ക്കാനും, ദോഷകരമായ വയറിലെ കൊഴുപ്പ് അകറ്റുവാനും, രാവിലത്തെ ഈ നടത്തം നിങ്ങളെ സഹായിക്കുന്നു. ഇത് ആരോഗ്യകരമായ ബോഡി മാസ് സൂചിക (ബിഎംഐ) സംരക്ഷിക്കുകയും അമിതവണ്ണവും അമിതഭാരവും ഒരു പരിധിവരെ നിയന്ത്രിക്കുകയും ചെയ്യുന്നു.
ഉപാപചയ പ്രവര്‍ത്തനങ്ങളെ ഉത്തേജിപ്പിക്കുന്നു
പ്രഭാത സവാാരി ഉപാപചയ പ്രവര്‍ത്തനങ്ങളെ ഉത്തേജിപ്പിക്കുന്നതില്‍ വലിയ പങ്കാണ് വഹിക്കുന്നത്. ഊര്‍ജ്ജം ഉല്‍പാദിപ്പിക്കുന്നതിനായി ഭക്ഷണങ്ങള്‍ ഉപയോഗപ്പെടുത്തുവാനുള്ള പ്രവര്‍ത്തനമാണ് ഉപാപജയം. വീട്ടിലും ജോലിസ്ഥലത്തും പതിവ് ജോലികള്‍ ചെയ്യുന്നതിന് ഇത് സഹായിക്കുന്നു. എല്ലാ ദിവസവും രാവിലെ 20 മുതല്‍ 30 മിനിറ്റ് വരെ നടക്കുന്നത് ആ ദിവസത്തെ ഏത് കഠിനമായ ജോലികളും ചെയ്യുന്നതിന് മതിയായ ഊര്‍ജ്ജം നമുക്കേകും. .ജീവിതത്തില്‍ രോഗങ്ങള്‍ ഒഴിവാക്കാന്‍ വ്യായാമമാണ് പ്രധാനമെന്ന് പ്രത്യേകം പറയേണ്ടതില്ല. പ്രമേഹം, രക്താതിമര്‍ദ്ദം, സന്ധിവാതം, കൂടാതെ, അല്‍ഷിമേഴ്സ്, ഡിമെന്‍ഷ്യ തുടങ്ങിയ ന്യൂറോ ഡിജെനറേറ്റീവ് രോഗങ്ങള്‍ എന്നിവ നിഷ്‌ക്രിയ ജീവിതശൈലിയുമായി ബന്ധപ്പെട്ടിരിക്കുന്നു. രാവിലെ ശാരീരിക പേശികളുടെ കര്‍ശനമായ ചലനം സന്ധികളിലെ കാഠിന്യം ഒഴിവാക്കുന്നു. കൂടാതെ രക്തത്തിലെ പഞ്ചസാരയുടെ അളവിലെയും രക്തസമ്മര്‍ദ്ദത്തിലെയും ഏറ്റക്കുറച്ചിലുകള്‍ നിയന്ത്രിക്കുന്നതിനും, നാഡീകോശങ്ങളിലേക്കുള്ള രക്തയോട്ടം മെച്ചപ്പെടുത്തുന്നതിനും, തലച്ചോറും എല്ലുകളും പേശികളും ശക്തിപ്പെടുത്തുന്നതിനും ഇത് ഗുണം ചെയ്യുന്നു.മാനസികാവസ്ഥയും ഓര്‍മ്മശക്തിയും മെച്ചപ്പെടുത്തുന്നുദിവസവും രാവിലെ നടക്കുന്നത് ന്യൂറോ ട്രാന്‍സ്മിറ്ററുകളുടെ സമന്വയവും ചലനവും ഗണ്യമായി വര്‍ദ്ധിപ്പിക്കുന്നു.
ഉറക്കമില്ലായ്മ, അമിതമായ കൂര്‍ക്കംവലി
ഉറക്കമില്ലായ്മ, അമിതമായ കൂര്‍ക്കംവലി, സ്ലീപ് അപ്നിയ എന്നിവയുള്‍പ്പെടെയുള്ള ഉറക്കവുമായി ബന്ധപ്പെട്ട എല്ലാ വൈകല്യങ്ങള്‍ക്കും പ്രഭാത നടത്തം മികച്ച പരിഹാരമാണ്. പകല്‍ സമയത്തെ ശാരീരിക വ്യായാമം രാത്രിസമയത്ത് മതിയായ ഉറക്കം ഉറപ്പാക്കും.പേശികള്‍, എല്ലുകള്‍, സന്ധികള്‍ എന്നിവ ശക്തിപ്പെടുത്തുന്നു. പ്രോട്ടീന്‍, വിറ്റാമിനുകള്‍, കാല്‍സ്യം, മഗ്‌നീഷ്യം, ഫോസ്ഫറസ് എന്നിവ ഉള്‍പ്പെടെയുള്ള പോഷകങ്ങളും ധാതുക്കളും പേശികളുടെ ശക്തിക്കും അസ്ഥികളുടെ ആരോഗ്യത്തിനും നിര്‍ണായകമാണെങ്കിലും, പതിവ് വ്യായാമമാണ് സന്ധികളുടെ വഴക്കം നിലനിര്‍ത്താനും ശക്തമായ അസ്ഥികള്‍, പേശികള്‍ എന്നിവ നല്‍കാനും സഹായിക്കുന്നത്. ദിവസവും 30 മിനുട്ട് വേഗതയുള്ള നടത്തത്തിന് പോകുന്നതിലൂടെ അസ്ഥികളുടെ ബലം മെച്ചപ്പെടുത്തുകയും, സന്ധികള്‍ ആരോഗ്യം വര്‍ദ്ധിക്കുകയും, പേശികളെ ശക്തിപ്പെടുത്തുകയും, വാര്‍ദ്ധക്യത്തില്‍ സന്ധിവാതം, ഓസ്റ്റിയോപൊറോസിസ്, മറ്റ് ദുര്‍ബലപ്പെടുത്തുന്ന രോഗങ്ങള്‍ എന്നിവയുടെ സാധ്യത കുറയ്ക്കുകയും ചെയ്യുന്നു.ഹൃദയാരോഗ്യം മെച്ചപ്പെടുത്തുന്നുഒരു പ്രഭാത നടത്തം,
ഹൃദയാരോഗ്യത്തിന്
ഒരു ഹ്രസ്വ ജോഗിങ് അല്ലെങ്കില്‍ ഓട്ടം എന്നിവ ഹൃദയാരോഗ്യത്തിന് വളരെയധികം ഗുണങ്ങള്‍ നല്‍കുന്നു. രക്തചംക്രമണം മെച്ചപ്പെടുത്തുകയും ഹൃദയ പേശികളെ ശക്തിപ്പെടുത്തുകയും രക്താതിമര്‍ദ്ദം, ഹൃദയസ്തംഭനം, ഹൃദയാഘാതം, തുടങ്ങിയ സാധ്യതകള്‍ കുറയ്ക്കുകയും ചെയ്യും . കുറഞ്ഞത് 30 മിനിറ്റെങ്കിലും പകല്‍സമയത്ത് ഊര്‍ജ്ജസ്വലമായി നടക്കുന്നത് ഹൃദയ പ്രവര്‍ത്തനങ്ങള്‍ മെച്ചപ്പെടുത്തുകയും ശ്വാസകോശ ശേഷി വര്‍ദ്ധിപ്പിക്കുകയും ശ്വസന പ്രശ്നങ്ങള് ഒഴിവാക്കുകയും ശ്വാസകോശ സംബന്ധമായ അസുഖങ്ങള്‍ വരാതെ തടയുകയും ചെയ്യും. മറ്റ് സമയങ്ങളെ അപേക്ഷിച്ച് പുലര്‍കാലമാണ് നടത്തത്തിന് അനുയോജ്യം. ഈ സമയം അന്തരീക്ഷ മലിനീകരണം കുറവാണെന്ന് മാത്രമല്ല ശുദ്ധവായു ശ്വസിക്കാനും നമുക്ക് അവസരം ലഭിക്കും. ഏറ്റവും അവസാനമായി രാവിലെ സൂര്യപ്രകാശമേല്‍ക്കുന്നത് ശരീരത്തില്‍ വിറ്റാമിന്‍ ഡിയുടെ കുറവ് പരിഹരിക്കുകയും ചെയ്യും. അപ്പോള്‍ ഇനി പ്രഭാത നടത്തം ഒരു ശീലമാക്കുകയല്ലെ
ചില സാങ്കേതിക വിദ്യകള്‍ നമ്മുടെ ജീവിതത്തിലുണ്ടാക്കുന്ന സ്വാധീനം വളരെ വലുതാണ് . ആരോഗ്യ സംരക്ഷണ മേഖലയില്‍ ഇപ്പോള്‍ ഇത്തരം ടെക്‌നോളജികള്‍ വലിയ മാറ്റങ്ങള്‍ക്ക് വഴിയൊരുക്കിയിട്ടുണ്ട്.ഡിജിറ്റല്‍ ലോകത്ത് നമ്മുടെ ആരോഗ്യവും ക്ഷേമവും ഉള്‍പ്പെടെ നമ്മുടെ ജീവിതത്തിന്റെ എല്ലാ ഭാഗങ്ങളിലും സാങ്കേതികവിദ്യ കടന്നെത്തിയിരിക്കുന്നു
ഉദാസീനമായ ജീവിത ശൈലികള്‍ മാറ്റാന്‍ ആഗ്രഹിക്കുന്നവര്‍ക്ക് മൊബൈല്‍ ഫുഡ് ഡയറികളും ഫിറ്റ്നസ് ആപ്ലിക്കേഷനുകളും പോലെയുള്ളവ നല്ല തീരുമാനങ്ങള്‍ എടുക്കാന്‍ സഹായിക്കാനാകും. നിങ്ങള്‍ക്ക് പ്രചോദനമോ സഹായമോ മാര്‍ഗനിര്‍ദേശമോ ആവശ്യമുണ്ടെങ്കില്‍ ഇത്തരം സാങ്കേതികവിദ്യ ഒരു ഉപയോഗപ്രദമായ ഉപകരണമായിരിക്കാം.നിങ്ങളുടെ ശക്തിയും പരിമിതികളും മെച്ചപ്പെടുത്തേണ്ട മേഖലകളും നന്നായി മനസ്സിലാക്കാന്‍ വ്യായാമ പോഷകാഹാര ആപ്പുകള്‍ പോലുള്ളവ സഹായിക്കും. ഇത്തരം സാങ്കേതിക വിദ്യകളില്‍ ചിലത് പരിചയപ്പെടാം
ഫിറ്റ്നസ് വിലയിരുത്തല്‍ ടൂളുകള്‍
ഫിറ്റ്നസ് പ്രൊഫഷണലുകള്‍ വഴിയോ പ്രത്യേക ആപ്പുകള്‍ വഴിയോ ലഭ്യമാകുന്ന അറിവുകളുടെ ഉറവിടങ്ങളാണ് വെര്‍ച്വല്‍ ഫിറ്റ്നസ് വിലയിരുത്തല്‍ ഉപകരണങ്ങള്‍. ഈ മൂല്യനിര്‍ണ്ണ രീതി വ്യക്തികളെ അവരുടെ നിലവിലെ ഫിറ്റ്നസ് ലെവലുകള്‍ വിലയിരുത്തുന്നതിനും മെച്ചപ്പെടുത്തല്‍ ആവശ്യമുള്ള മേഖലകള്‍ കണ്ടെത്തുന്നതിനും ലക്ഷ്യങ്ങള്‍ കണ്ടെത്താനും പ്രാപ്തരാക്കുന്നു. ഹൃദയധമനികളുടെ സഹിഷ്ണുത, പേശികളുടെ ശക്തി, വഴക്കം, ശരീരഘടന എന്നിവ അളക്കുന്നത് ഉള്‍പ്പെടെ ആരോഗ്യകരവും കൂടുതല്‍ സജീവവുമായ ഒരു ജീവിതശൈലിയിലേക്ക് ഒരു വ്യക്തിയെ നയിക്കാന്‍ കഴിയുന്ന മൂല്യവത്തായ ഉള്‍ക്കാഴ്ചകള്‍ ഈ ടൂളുകള്‍ നല്‍കുന്നു.
2. മികച്ച കോച്ചുകളിലേക്കും ക്ലാസുകളിലേക്കും കമ്മ്യൂണിറ്റികളിലേക്കും പ്രവേശനം
മികച്ച ഫലങ്ങള്‍ക്കായി വ്യക്തിഗതമായ മാര്‍ഗ്ഗനിര്‍ദ്ദേശം അത്യന്താപേക്ഷിതമാണ്. അംഗീകൃത ഡയറ്റീഷ്യന്‍മാരുമായും പോഷകാഹാര വിദഗ്ധരുമായും വെര്‍ച്വല്‍ കണ്‍സള്‍ട്ടേഷനുകള്‍ നടത്തുന്നത് അനുയോജ്യമായ ഉപദേശവും ഭക്ഷണ ആസൂത്രണ സഹായവും ലഭിക്കാന്‍ സഹായിക്കും. വീഡിയോ കോളുകളിലൂടെയോ പ്രത്യേക ഫിറ്റ്നസ് പ്ലാറ്റ്ഫോമുകളിലൂടെയോ വെര്‍ച്വല്‍ പരിശീലന സെഷനുകളില്‍ പങ്കാളികളാകാനാകും. വ്യക്തിഗത വര്‍ക്ക്ഔട്ട് പ്ലാനുകള്‍ നല്‍കാനും പുരോഗതി ട്രാക്ക് ചെയ്യാനും ഇതുവഴി കഴിയുന്നതിനാല്‍ ഫിറ്റ്നസ് ലക്ഷ്യങ്ങളില്‍ വേഗത്തില്‍ എത്താനാകും
ഫിറ്റ്നസും ശരീരഭാരം കുറയ്ക്കലും ഉള്‍പ്പെടെ വിവിധ ആവശ്യങ്ങളെ കേന്ദ്രീകരിച്ച് വെര്‍ച്വല്‍ കമ്മ്യൂണിറ്റികള്‍ സൃഷ്ടിച്ച് ലോകത്തിന്റെ എല്ലാ കോണുകളില്‍ നിന്നുമുള്ള ആളുകമായി ബന്ധപ്പെടാന്‍ ഇതുവഴിയാകും. ഓണ്‍ലൈന്‍ ഫിറ്റ്നസ് കമ്മ്യൂണിറ്റികളുമായി ഇടപഴകുന്നത് പിന്തുണയും പ്രോത്സാഹനവും ഉത്തരവാദിത്തബോധവും നല്‍കും. സമാന ലക്ഷ്യങ്ങളും പോരാട്ടങ്ങളും പങ്കിടുന്ന സമാന ചിന്താഗതിക്കാരായ വ്യക്തികളെ നമുക്കിവിടെ കണ്ടെത്താനാകും. നിരവധി പ്ലാറ്റ്ഫോമുകള്‍ ഓണ്‍ലൈന്‍ ഫിറ്റ്നസ് ക്ലാസുകള്‍ ലഭ്യമാക്കുന്നുണ്ട്. ഇത് നമ്മെ വീടുകളില്‍ നിന്ന് തന്നെ വര്‍ക്കൗട്ടുകള്‍ ചെയ്ത് ലക്ഷ്യം കാണാന്‍ സഹായിക്കും.
ഫിറ്റ്നസ് ട്രാക്കറുകള്‍
ശാരീരിക പ്രവര്‍ത്തനങ്ങള്‍, ഹൃദയമിടിപ്പ്, ഉറക്കത്തിന്റെ രീതികള്‍ എന്നിവ നിരീക്ഷിക്കാന്‍ ഫിറ്റ്നസ് ട്രാക്കറുകള്‍ സഹാായിക്കും. നിങ്ങളുടെ ശരീരത്തെക്കുറിച്ച് നിങ്ങള്‍ക്ക് എത്രത്തോളം അറിയാം എന്നത് അത്രയും മികച്ച ചുവടുകള്‍ നിങ്ങള്‍ക്ക് സ്വീകരിക്കാനാകും. 2022ലെ കണക്കനുസരിച്്ച് ആഗോളതലത്തില്‍ ഇത്തരത്തില്‍ കണക്റ്റഡ് വെയറബിളുകള്‍ ഉപയോഗിക്കുന്നവരുടെ എണ്ണം 1.1 ബില്യണിലെത്തി നില്‍ക്കുകയാണ്
4. സ്മാര്‍ട്ട് സ്‌കെയിലുകള്‍
തുടര്‍ച്ചയായി ഭാരം പരിശോധിക്കുന്നത് ശരീര ഭാരനിയന്ത്രണ ലക്ഷ്യങ്ങളിലെ അപ്രതീക്ഷിത തിരിച്ചടികള്‍ തടയും. സ്മാര്‍ട്ട് സ്‌കെയിലുകള്‍ ഭാരം അളക്കുക മാത്രമല്ല, ശരീരത്തിലെ കൊഴുപ്പന്റെ ശതമാനം, മസിലുകളുടെ അളവ്, മറ്റ് കാര്യങ്ങളും രേഖപ്പെടുത്തും. ശരീരഘടനയെക്കുറിച്ചുള്ള ഈ സമഗ്രമായ വീക്ഷണം പുരോഗതി വിലയിരുത്താന്‍ ഉതകും. ശരീരത്തിലെ കൊഴുപ്പ് , മസിലുകളുടെ ഭാരം, ശരീരത്തിലെ ജലത്തിന്റെ ഭാരം, അസ്ഥികളുടെ സാന്ദ്രത തുടങ്ങിയ അളവുകള്‍ ഉള്‍പ്പെടെ നിരവധി കാര്യങ്ങള്‍ സ്മാര്‍ട്ട് സ്‌കെയിലിലൂടെ അറിയാനാകും.
5. അറിയിപ്പുകളും ഓര്‍മ്മപ്പെടുത്തലുകളും സാങ്കേതികവിദ്യ ഉപയോഗിച്ച്
ഫിറ്റ്നസ് ലക്ഷ്യത്തിനായി പരിശ്രമിക്കുമ്പോള്‍ ജീവിതത്തിലെ തിരക്കുകള്‍ കാര്യമായ വെല്ലുവിളികള്‍ ഉയര്‍ത്തും. എന്നിരുന്നാലും, ആധുനിക സാങ്കേതികവിദ്യയുടെ ആവിര്‍ഭാവത്തോടെ, അറിയിപ്പുകളുടെയും ഓര്‍മ്മപ്പെടുത്തലുകളുടെയും രൂപത്തില്‍ നമുക്ക് അനുയോജ്യമായ സഹായം വിരല്‍ത്തുമ്പില്‍ ലഭിക്കുമെന്നത് ഏറെ സഹായകമാണ്.
Fitness Tips
Post-Pregnancy Weight Loss|ഗര്‍ഭധാരണ ശേഷമുള്ള ശരീരഭാര വര്‍ധന; ആകാരഭംഗി വീണ്ടെടുക്കാന്‍ സഹായിക്കുന്ന 6 എളുപ്പവഴികള്‍
പ്രോട്ടീന്‍ ഷേയ്ക്കുകള്‍ vs പ്രോട്ടീന്‍ അടങ്ങിയ ഭക്ഷണങ്ങള്‍; ഏത് തിരഞ്ഞെടുക്കണം?
Testosterone |മസില്‍ വളര്‍ച്ച ടെസ്റ്റോസ്റ്റിറോണുമായി എങ്ങനെ ബന്ധപ്പെട്ടിരിക്കുന്നു?
അപൂര്‍വ രോഗം വസിഷ്ഠിനെ കിടപ്പ് രോഗിയാക്കി; ഇച്ഛാശക്തിയാല്‍ ഫിറ്റ്നസ് പരിശീലകനായി ഗംഭീര തിരിച്ചുവരവ്
പ്രോട്ടീന്‍ ഷേയ്ക്കുകള്‍ vs പ്രോട്ടീന്‍ അടങ്ങിയ ഭക്ഷണങ്ങള്‍; ഏത് തിരഞ്ഞെടുക്കണം?
Testosterone |മസില്‍ വളര്‍ച്ച ടെസ്റ്റോസ്റ്റിറോണുമായി എങ്ങനെ ബന്ധപ്പെട്ടിരിക്കുന്നു?
