വിവിധ കാരണങ്ങളാല് ശരീരത്തില് സംഭവിക്കുന്ന ഒരു സ്വാഭാവിക പ്രക്രിയയാണ് വിയര്പ്പ്. ചൂടുള്ളതും ഈര്പ്പമുള്ളതുമായ കാലാവസ്ഥയില് അല്ലെങ്കില് ഒരു വ്യക്തി ഏതെങ്കിലും ശാരീരിക പ്രവര്ത്തനങ്ങളില് ഏര്പ്പെടുകയാണെങ്കില് ശരീര താപനില ഉയരും. ഇങ്ങനെ സംഭവിക്കുമ്പോള് ശരീരത്തെ തണുപ്പിക്കുക എന്ന പ്രക്രിയയാണ് വിയര്ക്കുന്നതിലൂടെ സാധാരണയായി സംഭവിക്കുന്നത്.
വ്യായാമം ചെയ്യുമ്പോള് ആളുകള് വിയര്ക്കുന്നു. ഇത് വിയര്പ്പും ശരീരഭാരം കുറയ്ക്കലും തമ്മില് എവിടെയോ ബന്ധപ്പെട്ടിരിക്കുന്നു എന്ന ധാരണ ആളുകളിലുണ്ടാക്കി. വിയര്പ്പ് കലോറി എരിച്ചുകളയുന്നതിനും ശരീരഭാരം കുറയ്ക്കുന്നതിനും സഹായിക്കുന്നു എന്ന തോന്നല് ഇത് ജനിപ്പിച്ചു. എന്നാല് ഇതില് എത്രമാത്രം ശരിയുണ്ടെന്ന് പരിശോധിക്കാം.
വിയര്പ്പ് നിങ്ങളുടെ ശരീരം ചെയ്യുന്ന ജോലിയുടെ അളവിന് സമാനമാണ്, ചില സാഹചര്യങ്ങളിലൊഴികെ. ഒരു വ്യക്തി അവരുടെ രക്തസമ്മര്ദ്ദം ക്രമരഹിതമാകുമ്പോഴും വിയര്ക്കാം. വിയര്പ്പെന്ന സ്വാഭാവിക പ്രതിഭാസം നിങ്ങളുടെ ശരീരം എരിച്ചു കളയുന്ന കലോറിയുടെ അളവുകോലായിരിക്കാം, എന്നാല് ഈ പ്രക്രിയ കലോറി എരിച്ചുകളയുന്നതിന് യാതൊരു സംഭാവനയും നല്കുന്നല്ലെന്നതാണ് സത്യം.
ഉദാഹരണത്തിന് തണുത്ത കാലാവസ്ഥയില് നീന്തുമ്പോഴോ ജോലി ചെയ്യുമ്പോഴോ ശരീരത്തിലെ കലോറി എരിച്ചുകളയപ്പെടുന്നുണ്ടെന്നതിനാല് വിയര്പ്പ് ഭാരനിയന്ത്രണത്തിന്റെ ഒരേയൊരു അളവുകോലായി കണക്കാക്കുന്നത് ഒഴിവാക്കണം. ഈ അളവ് എന്ന് പറയുന്നത് ചെയ്യുന്ന വ്യായാമത്തിന്റെ തീവ്രതയുടെ പശ്ചാത്തലത്തിലാണ്. ഉയര്ന്ന തീവ്രതയുള്ള വര്ക്കൗട്ട് ചെയ്യുന്ന ഒരു വ്യക്തി വളരെയധികം വിയര്ക്കുന്നു. എന്നാല് തീവ്രത കുറഞ്ഞ വര്ക്കൗട്ട് ചെയ്യുന്ന വ്യക്തി അത്രയധികം വിയര്ക്കുന്നില്ലെങ്കിലും ഗണ്യമായ അളവില് കലോറി കത്തിച്ചു കളയുന്നുണ്ട്.
എന്നാല് അതിനര്ത്ഥം വിയര്പ്പും ശരീരഭാരം കുറയ്ക്കലും തമ്മില് യാതൊരു ബന്ധവുമില്ലെന്നല്ല. ചിലര് തടി കുറയ്ക്കാന് വിയര്ക്കല് വിദ്യകള് ഉപയോഗിക്കുന്നു, പക്ഷേ അത് താല്ക്കാലികമാണ്. മത്സരത്തിനായി സസജ്ജമാകുന്ന കായിക താരങ്ങള് ഒരു പ്രത്യേക ഭാര വിഭാഗത്തില് ഉള്പ്പെടാനായി ജലം കൊണ്ടുള്ള ഭാരം കുറയ്ക്കാന് സോന ടെക്നിക് ഉപയോഗിക്കുന്നു. എന്നാല് ഒരിക്കല് വെള്ളം കുടിക്കുകയോ ഭക്ഷണം കഴിക്കുകയോ ചെയ്താല്, അവര് ഉടന് തന്നെ ആ ഭാരത്തിലേക്ക് തിരികെ എത്തുകയും ചെയ്യും.
നിങ്ങളുടെ ശരീരം നിര്വ്വഹിക്കുന്ന വളരെ ആരോഗ്യകരമായ ഒരു പ്രക്രിയയാണ് വിയര്പ്പ്. ഇതിന് ഒന്നിലധികം ഗുണങ്ങളുണ്ട്. ഹെവി മെറ്റലുകളും വിഷവസ്തുക്കളും ഇല്ലാതാക്കാന് ഇത് നിങ്ങളുടെ ശരീരത്തെ സഹായിക്കുന്നു. ഓക്സിജന്റെയും പോഷകങ്ങളുടെയും രക്തചംക്രമണം വര്ദ്ധിപ്പിച്ച് ചര്മ്മത്തെ പോഷിപ്പിക്കുകയും ചെയ്യും