മലയാളത്തിലടക്കം നിരവധി ആരാധകരുള്ള തമിഴ് നടനാണ് സിലംബരശന്‍. ഇപ്പോള്‍ താരം നടത്തിയ ബോഡി ട്രാന്‍സ്‌ഫോര്‍മേഷന്‍ ആരെയും അതിശയിപ്പിക്കുന്നതാണ്. ലോക്ക്ഡൗണ്‍ സമയത്ത് പിന്തുടര്‍ന്നിരുന്ന അനാരോഗ്യകരമായ ജീവിതശൈലി ഉപേക്ഷിച്ച് ഫിറ്റ്‌നസ് ആകാന്‍ താരം തീരുമാനിച്ചപ്പോള്‍ അത് പലര്‍ക്കും പ്രചോദനകരമായ ഒരു വഴിയായിരുന്നു. തന്റെ ഫിറ്റനസ് യാത്രയുടെ വീഡിയോ മറ്റുള്ളവര്‍ക്കായി പങ്കുവെച്ചിരിക്കുകയാണ് സിലംബരശനിപ്പോള്‍. ‘എന്റെ ഈ യാത്ര എണ്ണമറ്റ കൂടുതല്‍ പേരെ പ്രചോദിപ്പിക്കുമെന്ന് പ്രതീക്ഷിക്കുന്നുവെന്നും ‘The Journey of #ATMAN SilambarasanTR’ എന്ന പേരില്‍ പുറത്തിറക്കിയ യൂട്യൂബ് വീഡിയോവില്‍ താരം പറയുന്നു.

അതിരാവിലെ നടത്തം, നീന്തല്‍, ബാഡ്മിന്റണ്‍, ക്രിക്കറ്റ് , ബാസ്‌കറ്റ് ബോള്‍ തുടങ്ങിയ കായിക വിനോദങ്ങള്‍ മുതല്‍ കുതിരസവാരി, ജിം, ആയോധന കലകള്‍ വരെ. അയ്യപ്പദീക്ഷയിലൂടെ ആധ്യാത്മികമായ മാനസികാവസ്ഥയിലേക്കും താരം കടന്നുപോയി. 101 കിലോ ശരീര ഭാരത്തില്‍നിന്നും 71 കിലോയിലേക്കുള്ള താരത്തിന്റെ പരിവര്‍ത്തന യാത്ര കാഴ്ച്ചക്കാരില്‍ വലിയ പ്രചോദനമാണ് സൃഷ്ടിക്കുന്നത്. ഒരു ദിവസം 4 ബിരിയാണി കഴിക്കുന്നതില്‍ നിന്ന് ശുദ്ധ സസ്യാഹാരത്തിലേക്ക് താരം തന്റെ ഭക്ഷണക്രമവും മാറ്റി. പരിവര്‍ത്തനത്തിന് പിന്നിലെ അദ്ദേഹത്തിന്റെ കഠിനാധ്വാനവും അര്‍പ്പണബോധവും തെളിയിക്കുന്നത് നമ്മള്‍ ആഗ്രഹിക്കുന്നുവെങ്കില്‍ എന്തും നേടിയെടുക്കാന്‍ കഴിയുമെന്നതു തന്നെയാണ്.

മോഡലിങ് രംഗത്തില്‍ കൂടി സിനിമയിലെത്തിയ താരമാണ് റിമ കല്ലിങ്കല്‍. 2008ലെ മിസ്സ് കേരളയില്‍ റണ്ണറപ്പ് ആയിരുന്നു താരം. .ഋതു എന്ന മലയാള സിനിമയില്‍ കൂടിയാണ് റിമ തന്റെ കരിയര്‍ ആരംഭിക്കുന്നത്.ആദ്യ സിനിമയ്ക്ക് ശേഷം പിന്നീട് ചെറുതും വലുതുമായി ഒട്ടേറെ സിനിമയില്‍ താരം അഭിനയിച്ചു.മലയാളത്തിന് പുറമെ തമിഴ്,ഹിന്ദി തുടങ്ങിയ ഭാഷയിലും താരം അഭിനയിച്ചിട്ടുണ്ട്.

അഭിനയത്തില്‍ എന്നത് പോലെ തന്നെ തന്റെ നിലപാടുകള്‍ കൊണ്ടും അഭിപ്രായങ്ങള്‍ കൊണ്ടും മറ്റുള്ള താരങ്ങളില്‍ നിന്നും വ്യത്യസ്തയാണ് റിമ.തന്റെ നിലപാടുകള്‍ ആരുടെ മുന്നിലും തുറന്നു പറയാന്‍ താരം മടിക്കാറില്ല. സോഷ്യല്‍ മീഡിയയില്‍ താരം പങ്കുവെക്കുന്ന അഭിപ്രായങ്ങള്‍ വലിയ ചര്‍ച്ചകള്‍ക്ക് വഴി തുറക്കാറുണ്ട്.

ഫിറ്റ്‌നസില്‍ വിട്ട് വീഴ്ച ചെയ്യാത്ത ഒരാള്‍ കൂടിയാണ് റിമ. ഇപ്പോള്‍ കൊവിഡ് മുക്തയായ ശേഷം വീണ്ടും ഫിറ്റ്‌നസിന്റെയും വര്‍ക്കൗട്ടിന്റെയും ലോകത്തെത്തിയ സന്തോഷം ആരാധകരുമായി സോഷ്യല്‍ മീഡിയയില്‍ പങ്കുവെച്ചിരിക്കുകയാണ് റിമ കല്ലിങ്കല്‍.

View this post on Instagram

A post shared by Rima Kallingal (@rimakallingal)

‘ഒരു മാസത്തെ കോവിഡ് വിശ്രമത്തിനു ശേഷം വീണ്ടും.. വര്‍ക്കൗട്ടുകളിലേക്ക് മടങ്ങാനുള്ള തിരക്കിലായിരുന്നു ഞാന്‍. എന്നാല്‍ ജീവിതത്തിന് നിങ്ങളെ കീഴ്പ്പെടുത്താന്‍ വഴികളുണ്ട്. അതുകൊണ്ട് ശരീരത്തെ ശ്രദ്ധിക്കുക, അതിന് പറയാനുള്ളത് ബഹുമാനത്തോടെ കേള്‍ക്കുക’ – ഇതാണ്‌ ജിമ്മില്‍ വര്‍ക്ഔട്ട് ചെയ്യുന്ന ചിത്രം പങ്കുവച്ച് റിമ ഇന്‍സ്റ്റാഗ്രാമില്‍ കുറിച്ചത്. നിരവധി പേരാണ് ചിത്രത്തിന് പിന്തുണയുമായി എത്തിയത്.

ഇതിനും മുന്‍പും പല വിധ വര്‍ക്കൗട്ട് വീഡിയോകളും താരം സോഷ്യല്‍ മീഡിയയിലൂടെ ആരാധകര്‍ക്കായി പങ്കുവെച്ചിരുന്നു

View this post on Instagram

A post shared by Bheegaran (@bheegaran)

ബോളിവുഡിലെ തന്നെ ഏറ്റവും ഫിറ്റായ നടന്മാരില്‍ ഒരാളാണ് ഹൃത്വിക് റോഷന്‍. ഫിറ്റ്‌നസുമായി ബന്ധപ്പെട്ട പല പോസ്റ്റുകളും താരം ആരാധകരുമായി പങ്കുവെക്കാറുണ്ട്. എന്നാല്‍ ഇപ്പോള്‍ നടന്‍ തന്റെ ആരാധനാപാത്രമായ അമ്മ പിങ്കി റോഷന്റെ പ്രചോദനാത്മക വീഡിയോ ഇന്‍സ്റ്റാഗ്രാമില്‍ പങ്കുവെച്ചിരിക്കുകയാണ്. 58ാം വയസ്സില്‍ തുടങ്ങിയ വര്‍ക്കൗട്ട് 10 വര്‍ഷമായി ഇപ്പോഴും മുടങ്ങാതെ ചെയ്തുവരികയാണ് അവരെന്നും, അമ്മയല്ലാതെ മറ്റാരില്‍ നിന്നും തനിക്ക് പ്രചോദനം കണ്ടെത്താന്‍ കഴിയുമെന്നും ഹൃത്വിക് കുറിപ്പില്‍ പറയുന്നു.

‘അറുപത്തിയെട്ടാം വയസ്സിലും ഫിറ്റ്‌നസിനും ആരോഗ്യത്തിനുമായി അമ്മ വര്‍ക്കൗട്ട് ചെയ്യുന്നത് കാണുമ്പോള്‍, ഏത് പ്രായത്തിലുള്ളവരായാലും നമുക്കെല്ലാവര്‍ക്കും മെച്ചപ്പെട്ട ശാരീരിക ശേഷി കൈവരിക്കാനാകുമന്ന് എനിക്ക് പ്രതീക്ഷയുണ്ട്. അമ്മ ജിമ്മില്‍ വര്‍ക്കൗട്ട് തുടങ്ങിയത് എത്ര പ്രയാസപ്പെട്ടാണെന്ന് ഞാന്‍ പലപ്പോഴായി കണ്ടിട്ടുണ്ട്. നിങ്ങളെല്ലാവരുടേയും പിന്തുണയാണ് അവരെ ശക്തിപ്പെടുത്താന്‍ സഹായിച്ചത്. അതിനുള്ള നന്ദി ഈ പോസ്റ്റിലൂടെ ഞാന്‍ നിങ്ങളെ അറിയിക്കുകയാണെന്നും ഇന്‍സ്റ്റാഗ്രാം പോസ്റ്റില്‍ ഹൃത്വിക് കുറിച്ചു. പ്രായം കടന്നുപോയി എന്ന് ചിന്തിക്കുന്ന മറ്റ് മാതാപിതാക്കളോടായി എനിക്ക് പറയാനുള്ളത് എന്റെ അമ്മ 58ാം വയസ്സിലാണ് വര്‍ക്ക്ഔട്ട് ചെയ്യാന്‍ തുടങ്ങിയത് എന്ന് തന്നെയാണ്. നിങ്ങളുടെ കുട്ടികള്‍ക്കായി അത് ചെയ്തു തുടങ്ങുകയെന്നും അവര്‍ നിങ്ങളെ സ്‌നേഹിക്കുമെന്നും പറഞ്ഞാണ് ഹൃത്വിക് കുറിപ്പ് അവസാനിപ്പിക്കുന്നത് .

View this post on Instagram

A post shared by Hrithik Roshan (@hrithikroshan)

പിങ്കി റോഷന് ഫിറ്റ്‌നസിനോടുള്ള പ്രണയം നേരത്തെ വെളിപ്പെട്ടതാണ്. ബോക്്സിങ് പരിശീലിക്കുന്ന പിങ്കിയുടെ വീഡിയോ നേരത്തെ സാമൂഹിമാധ്യമങ്ങളില്‍ തരംഗമായിരുന്നു. ഈ പ്രായത്തിലും യുവത്വത്തിന്റെ ചുറുചുറുക്കും വേഗതയും പിങ്കി ഈ വീഡിയോയില്‍ കാഴ്ചവെക്കുന്നുണ്ട്. പ്രായം വെറും നമ്പര്‍ മാത്രമെന്ന് തെളിയിക്കുന്ന ഹെവി പഞ്ചുകളാണ് പരിശീലകനൊപ്പം പിങ്കി കാഴ്ച വെക്കുന്നത്.പിങ്കി വാം അപ് എക്സൈസുകള്‍ ചെയ്യുന്നതിന്റേയും സ്റ്റേഷനറി സൈക്കിള്‍ വര്‍ക്കൗട്ട് ചെയ്യുന്നതിന്റേയും ഇന്‍സ്റ്റാഗ്രാം പോസ്റ്റുകള്‍ സൈബര്‍ ലോകത്ത് ഏറെ ചര്‍ച്ചയായിരുന്നു.

View this post on Instagram

A post shared by Pinkie Roshan (@pinkieroshan)

ഫിറ്റ്നസ് കാര്യത്തില്‍ ഋതിക് റോഷന്റെ പിതാവ് രാകേഷ് റോഷനും ഒട്ടും പിന്നിലല്ല. 70കാരനായ ഇദ്ദേഹം മകനൊപ്പം ലഗ് വര്‍ക്കൗട്ട് ചെയ്യുന്ന വീഡിയോകള്‍ ഏറെ വൈറലായിരുന്നു