Others
വര്‍ക്ക് ഫ്രം ഹോം നിങ്ങളെ രോഗിയാക്കരുത്; അറിയണം ഇക്കാര്യങ്ങള്‍
കൊവിഡ് എന്ന മഹാമാരി ലോകത്തെങ്ങുമുള്ള മനുഷ്യരുടെ ജീവിതചര്യയില്‍ വരുത്തിയ മാറ്റം വളരെ വലുതും അപ്രതീക്ഷിതവുമാണ്. തൊഴില്‍ മേഖലയിലാണ് ഈ മാറ്റം വലിയ തോതില്‍ പ്രതിഫലിച്ചത്. പലര്‍ക്കും കേട്ട്‌കേള്‍വി മാത്രമായിരുന്ന വര്‍ക്ക് ഫ്രം ഹോം രീതി സുപചരിതമാക്കുന്നതിന് ഈ മഹാമാരിക്കാലം ഇടയാക്കി. വീട്ടിലിരുന്ന് ജോലി ചെയ്യാമല്ലോ എന്ന ചിന്തയില്‍ ഇത് ആദ്യം അല്‍പം ആഹ്ലാദം നല്‍കിയെങ്കിലും ക്രമേണ മുറിയലിരുന്നുകൊണ്ടുള്ള ജോലി പലര്‍ക്കും കടുത്ത മടുപ്പുളവാക്കാനും തുടങ്ങി. അരോചകം ആയിരുന്നെങ്കിലും പിന്നീട് പലരും ഈ രീതിയോട് പൊരുത്തപ്പെട്ടു എന്നതാണ് സത്യം. അടുത്ത നാള്‍ ഓഫീസില്‍ പോകാമെന്നാണ് കൊവിഡിന്റെ ആദ്യഘട്ടത്തില്‍ നമ്മില്‍ പലരും കരുതിയതെങ്കിലും സാഹചര്യം അങ്ങനെയല്ലെന്ന് ക്രമേണ ബോധ്യപ്പെട്ടു. അതേ സമയം വര്‍ക്ക് ഫ്രം ഹോം മികച്ച റിസള്‍ട്ട് തരുന്നുണ്ടെന്നാണ് ചില കമ്പനികളുടെ പഠനത്തില്‍ കണ്ടെത്തിയത്. അപ്പോള്‍ പിന്നെ കമ്പനികള്‍ സ്ഥിരമായി ഈ രീതിയിലക്ക് മാറുമ്പോള്‍ ചില കാര്യങ്ങള്‍ നമ്മള്‍ ഓര്‍ക്കേണ്ടതുണ്ട്. സ്ഥിരമായി വീട്ടിലിരുന്നു ജോലി ചെയ്യുകയുമാണെങ്കില്‍ ഒരു പക്ഷെ അത് ദൂരവ്യാപകമായ പ്രത്യാഘാതങ്ങളാണ് ഉണ്ടാക്കുക. വ്യായാമത്തിനൊ യാതൊരു തരത്തിലുമുള്ള ശാരീരിക അധ്വാനത്തിനോ പ്രാധാന്യം നല്‍കാതെ വീടിനകത്ത് ഇലക്ട്രോണിക് ഡിവൈസുകള്‍ക്ക് മുന്‍പില്‍ ഇരിക്കാനാണ് പ്ലാനെങ്കില്‍ വരുന്ന ചില വര്‍ഷങ്ങള്‍ കൊണ്ട് നിങ്ങളുടെ ശരീര ഘടനയില്‍ തന്നെ മാറ്റങ്ങളുണ്ടാകും.
ഡോക്ടര്‍മാരുടെ അഭിപ്രായത്തില്‍ കൂനാണ് പ്രധാനമായും ഉണ്ടാകുന്ന പ്രശ്‌നം. സോഫകളിലും, ബെഡിലും ശരിയായ രീതിയിലല്ലാതെ ഇരുന്നും കിടന്നും മണിക്കൂറുകളോളം ലാപ്‌ടോപ്പുകളിലും മറ്റും ജോലി ചെയ്യുന്നതാണ് ഇതിന് പ്രധാന കാരണം. ഇത് പലര്‍ക്കും അനുഭവപ്പെട്ടു തുടങ്ങിയിട്ടില്ല എങ്കിലും ശരീര ഭാരം കൂടുന്നത് പലര്‍ക്കും ഇപ്പോള്‍ തന്നെ ഒരു പ്രശ്‌നമായിട്ടുണ്ടാകും. കൃത്യമായ വ്യായാമം ഇല്ലാതെ വീട്ടിലിരുന്നു ജോലി ചെയ്യുന്നതാണ് ഇതിന് പ്രധാന കാരണം.
മാത്രവുമല്ല സൂര്യപ്രകാശം ഏല്‍ക്കാതെ വീടിനകത്ത് ഇരിക്കുന്നതിനാല്‍ ചര്‍മത്തില്‍ വേണ്ട വിധം വിറ്റാമിന്‍ ഡി ലഭിക്കാതെ വരികയും ഇതുമൂലം വിളര്‍ച്ചയും സംഭവിച്ചേക്കാം. ശരീരത്തിന് ആവശ്യമായ വ്യായാമവും സമ്മര്‍ദ്ദവും ലഭിക്കാത്തതിനാല്‍ അസ്വസ്ഥമായ ഉറക്കം, തൊഴില്‍ നഷ്ടപ്പെടുമോ എന്ന ഭയവും ഉത്കണ്ഠയും നമ്മെ രോഗികളുമാക്കിയേക്കാം.
എന്നാല്‍ ദിവസവും കൃത്യമായി അരമണിക്കൂറെങ്കിലും വ്യായാമത്തിന് വേണ്ടി മാറ്റി വെച്ചാല്‍ ഈ പ്രശ്നങ്ങള് എല്ലാം ഒരു പരിധിവരെ അകറ്റി നിര്‍ത്താം എന്ന് ആരോഗ്യ രംഗത്തെ വിദഗ്ധര്‍ പറയുന്നു. അതുകൊണ്ട് വര്‍ക്ക് ഫ്രം ഹോം രീതി പിന്തുടരുന്നവര്‍ ഇക്കാര്യങ്ങള്‍ ശ്രദ്ധിക്കുന്നത് നന്നായിരിക്കും
Others
‘ഇവക്ക് എന്നേക്കാള്‍ ഇരട്ടി പ്രായമുണ്ട്’; ബാബു ആന്റണിയുടെ ജിം ഉപകരണങ്ങള്‍ പരിചയപ്പെടുത്തി മകന്‍ ആര്‍തര്‍
ഫിറ്റ്‌നസില്‍ അന്നും ഇന്നും യാതൊരു വിട്ടുവീഴ്ചക്കും തയ്യാറാകാത്ത നടനാണ് കായികതാരം കൂടിയായ ബാബു ആന്റണി. ഒരു കാലത്ത് മലയാളം സിനിമ ആക്ഷന്‍ ഹീറോയായി തിളങ്ങിയ ബാബു ആന്റണി വര്‍ക്കൗട്ടുകള്‍ മുടക്കാറെയില്ല. ഇപ്പോള്‍ ബാബു ആന്റണിയുടെ ജിമ്മിലെ പഴയ ഉപകരണങ്ങള്‍ പരിചയപ്പെടുത്തി മകന്‍ ആര്‍തര്‍ ആന്റണി ഫേസ്ബുക്കില്‍ പോസ്റ്റ് ചെയ്ത ഒരു ചിത്രമാണ് ഏറെ ശ്രദ്ധയാകര്‍ഷിക്കുന്നത്. മുന്‍കാലത്ത് വര്‍ക്കൗട്ടിനായി ബാബു ആന്റണി ഉപയോഗിച്ചിരുന്ന ഉപകരണങ്ങളാണ് ചിത്രത്തില്‍.
‘പപ്പ ബെംഗളൂരുവില്‍ താമസിക്കുമ്പോഴും ഇവയെല്ലാം ഉണ്ടായിരുന്നു. ഏകദേശം 35 നു മുകളില്‍ പ്രായം കാണും ഇവയ്ക്ക്. എന്തായാലും എന്റെ പ്രായത്തെക്കാള്‍ ഇരട്ടിയിലധികം പ്രായം ജിമ്മിലെ ഇവയ്‌ക്കെല്ലാം ഉണ്ടെന്നു സാരം. ഇതു കാണുമ്പോള്‍ വല്ലാത്തൊരു ഫീലിങ് ആണ്. ‘ ഫേസ്ബുക്ക് പോസ്റ്റില്‍ ആര്‍തര്‍ കുറിച്ചു.
പ്രോട്ടീന് ഷേയ്ക്കുകള്‍ vs പ്രോട്ടീന് അടങ്ങിയ ഭക്ഷണങ്ങള്‍; ഏത് തിരഞ്ഞെടുക്കണം?
Testosterone |മസില്‍ വളര്‍ച്ച ടെസ്റ്റോസ്റ്റിറോണുമായി എങ്ങനെ ബന്ധപ്പെട്ടിരിക്കുന്നു?
അപൂര്‍വ രോഗം വസിഷ്ഠിനെ കിടപ്പ് രോഗിയാക്കി; ഇച്ഛാശക്തിയാല്‍ ഫിറ്റ്‌നസ് പരിശീലകനായി ഗംഭീര തിരിച്ചുവരവ്
പ്രോട്ടീന് ഷേയ്ക്കുകള്‍ vs പ്രോട്ടീന് അടങ്ങിയ ഭക്ഷണങ്ങള്‍; ഏത് തിരഞ്ഞെടുക്കണം?
Testosterone |മസില്‍ വളര്‍ച്ച ടെസ്റ്റോസ്റ്റിറോണുമായി എങ്ങനെ ബന്ധപ്പെട്ടിരിക്കുന്നു?
