Workouts
ശാരീരിക ബലം വര്‍ധിപ്പിക്കാന്‍ ഡംബലുകള്‍ കൊണ്ടുള്ള അഞ്ച് വ്യായാമങ്ങള്‍
എല്ലാ വ്യായാമങ്ങള്‍ക്കും ഒന്നല്ലെങ്കില്‍ മറ്റൊരു തരത്തില്‍ നമ്മുടെ ആരോഗ്യ പൂര്‍ണ്ണമായ ജീവിതത്തെ സഹായിക്കാന്‍ കഴിയും. വ്യായാമമെന്നാല്‍ പലരും കരുതുന്നത് ശരീര ശേഷിയും ശക്തിയും വര്‍ധിപ്പിക്കാന്‍ ഭാരം കുറച്ച് പേശികള്‍ക്ക് ബലം വര്‍ധിപ്പിക്കാനുള്ള മാര്‍ഗമെന്ന് മാത്രമാണ്. ഇതിനെല്ലാം പുറമേ സമ്പൂര്‍ണ്ണമായ ആരോഗ്യകരമായ ജീവിതത്തിന് വ്യായമങ്ങള്‍ നല്ലതാണ്. സ്ഥിരമായി ഭാരോദ്വഹന വ്യായാമങ്ങളില്‍ ഏര്‍പ്പെടുന്നവര്‍ക്ക് അസ്ഥികളുടേയും പേശീകളുടേയും ശക്തി വര്‍ധിക്കും. ഇതിന് പുറമെ മെറ്റാബോളിസം വര്‍ധിപ്പിക്കാനും സഹായിക്കുന്നു. ശരീരത്തിന്റെ സന്തുലിതാവസ്ഥ മികച്ചതാക്കാനും ശക്തി വര്‍ധിപ്പിക്കാനും, ദീര്‍ഘകാലം ആരോഗ്യത്തോടെ ഇരിക്കാനും സഹായിക്കുന്ന അഞ്ച് വ്യായാമങ്ങളാണ് ഇവിടെ പരിചയപ്പെടുത്തുന്നത്.
ഡംബല്‍ ഗോബ്ലെറ്റ് സ്‌ക്വാറ്റ്
അരക്കെട്ടിനേക്കാല്‍ അകലത്തില്‍ കാലുകള്‍ വിടര്‍ത്തി നേരെ നില്‍ക്കുക. ഡംബെല്ലിന്റെ ഒരറ്റം ലംബമായി പിടിക്കുക, രണ്ട് കൈകളും നിങ്ങളുടെ നെഞ്ചിനോട് ചേര്‍ന്ന് നില്‍ക്കണം. തുടര്‍ന്ന്, തുടകള്‍ നിലത്തിന് സമാന്തരമായി ഉറപ്പിച്ച് നിങ്ങളുടെ കാല്‍മുട്ടുകള്‍ വളച്ച് നിങ്ങളുടെ പിന്‍ ഭാഗം പിന്നിലേക്ക് തള്ളുക. കഴുത്തും നട്ടെല്ലും നിവര്‍ത്തി നില്‍ക്കുക. ഏതാനം നിമിഷങ്ങള്‍ ആ നില്‍പ്പില്‍ തുടര്‍ന്ന ശേഷം നേരത്തേ ഉണ്ടായിരുന്ന പൊസിഷനിലേക്ക് തിരികെ എത്തുക.
ഡംബെല്‍ ലുങ്സ്
ഇടുപ്പിന്റെ വീതിയില്‍ കാലുകള്‍ വിടര്‍ത്തി നില്‍ക്കുക. തുടര്‍ന്ന്, ഇടത് കാല് 1 അടി മുന്നോട്ട് നീക്കുക, നിങ്ങളുടെ മുന്‍ കാലുകളും പിന്‍കാലുകളും 90 ഡിഗ്രി കോണില്‍ ആകുന്നത് വരെ ഒരേ സമയം നിങ്ങളുടെ ശരീരം താഴ്ത്തുക. അല്പ സമയം ഈ നിലയില്‍ തുര്‍ന്ന ശേഷം ഇടത് കാല് നേരത്തേ ഉണ്ടായിരുന്ന പൊസിഷനിലേക്ക് തിരിച്ചുകൊണ്ട് വരിക. തുടര്‍ന്ന് വലത് കാല് കൊണ്ടും ഈ വ്യായാമം ചെയ്യുക.
ഡംബെല്‍ റോ
ഇരു കൈകളിലും ഓരോ ഡംബെല്‍സ് ഉപയോഗിച്ച് നേരെ നില്‍ക്കുക. കൈപ്പത്തികള്‍ ശരീരത്തിന് അഭിമുഖമായി വെച്ചുകൊണ്ട് കൈകള്‍ ശരീരത്തിന് മുന്നില്‍ കൊണ്ടുവരിക. കൈമുട്ട് വളച്ച്, ഡംബെല്ലുകള്‍ താടിയുടെ തലത്തിലേക്ക് ഉയര്‍ത്താന്‍ നിങ്ങളുടെ തോള്‍ പിന്നിലേക്ക് തള്ളുക. ഡംബെല്ലുകള്‍ സാവധാനം തിരികെ ആരംഭ സ്ഥാനത്തേക്ക് താഴ്ത്തിക്കൊണ്ട് വരുക.
ഡംബെല്‍ ഷോള്‍ഡര്‍ പ്രസ്സ്
നിലത്ത് കാലുകള്‍ വെച്ച് ഒരു ബെഞ്ചില്‍ ഇരിക്കുക. ഓരോ കൈയിലും ഒരു ഡംബെല്‍ പിടിക്കുക. ശ്വാസം ഉള്ളിലേക്ക് എടുത്ത് കൈ തലയ്ക്ക് മുകളിലൂടെ നീട്ടുക. ഒരു റൗണ്ട് പൂര്‍ത്തിയാക്കാന്‍ ആരംഭ സ്ഥാനത്തേക്ക് തിരികെ കൊണ്ടുവരിക.
ഡംബെല്‍ റൊമാനിയന്‍ ഡെഡ്‌ലിഫ്റ്റ്
പാദങ്ങള്‍ ഇടുപ്പ് വീതിയില്‍ വേര്‍പെടുത്തി ഒരു ജോടി ഡംബെല്ലുകള്‍ക്ക് സമീപം നില്‍ക്കുക. ഇടുപ്പില്‍ മുന്നോട്ട് ആയുക. ഡംബെല്‍സ് പിടിക്കാന്‍ നിങ്ങളുടെ നട്ടെല്ല് നേരെയാണെന്ന് ഉറപ്പാക്കുക. ഓരോ കൈയിലും ഒരോ ഡംബെല്‍ പിടിക്കുക. വളരെ ശ്രദ്ധയോടെ നിങ്ങളുടെ തോളുകള്‍ പിന്നിലേക്ക് വലിക്കുക. മുകളിലെ തുടകളിലേക്ക് ഭാരം ഉയര്‍ത്തുക. ഒരു മിനിറ്റ് പൊസിഷനില്‍ തുടര്‍ന്ന ശേഷം കാല്‍മുട്ടുകള്‍ക്കും കാല്‍വിരലുകള്‍ക്കും ഇടയില്‍ ഭാരം കുറയ്ക്കുക.
കൈകളില്‍ കൊഴുപ്പ് അടിഞ്ഞു കൂടുന്നത് പലര്‍ക്കുമൊരു പ്രശ്‌നമാണ്. പ്രത്യേകിച്ച് സ്ത്രീകളില്‍. ജനിതക കാരണങ്ങളാലും പലരുടെയും കൈകളിലെ കൊഴുപ്പ് വര്‍ദ്ധിക്കും. ലളിതമായ ചില വ്യായാമങ്ങളിലൂടെ കൈയിലെ കൊഴുപ്പ് നമുക്ക് കുറയ്ക്കാനാകും.
പൊണ്ണത്തടിയെ വയറിലെ കൊഴുപ്പ് എന്ന് മാത്രമാണ് ഉദ്ദേശിക്കുന്നതെങ്കില്‍ അത് തെറ്റായിരിക്കും. ഒരു വ്യക്തിയുടെ ശരീരത്തിന്റെ ഏത് ഭാഗത്തും കൊഴുപ്പ് നിക്ഷേപിക്കാം. വയറ്റിലെ കൊഴുപ്പ് കുറയ്ക്കുന്ന കാര്യം വരുമ്പോള്‍, ആളുകള്‍ ഇതിനായി പല തരത്തിലുള്ള വ്യായാമങ്ങള്‍ ചെയ്യാറുണ്ട്. എന്നാല്‍ കൈയിലെ തടി കുറയ്ക്കുന്ന കാര്യത്തില് ശ്രദ്ധ കുറവാണ്. കൈകള്‍ കാണുന്ന തരത്തില്‍ വസ്ത്രം ധരിക്കുമ്പോള്‍ കൈകളുടെ കൊഴുപ്പ് കൂടുതല്‍ ശ്രദ്ധിക്കപ്പെടുന്നു. ശരീരം മുഴുവനോടൊപ്പം കൈകളിലെ കൊഴുപ്പും കുറഞ്ഞില്ലെങ്കില്‍, അത് അരോചകമായി കാണപ്പെടും. കൈകളിലെ കൊഴുപ്പ് കളയാനായി വീട്ടില്‍ വെച്ച് തന്നെ ചെയ്യാവുന്ന ചില ലളിതമായ വ്യായാമങ്ങളാണ് ഇവിടെ പറയുന്നത്.
പുഷ് അപ്പുകള്‍
പുഷ് അപ്പുകളുടെ സഹായത്തോടെ കൈകളിലെ കൊഴുപ്പ് കുറയ്ക്കാം. കൈകളിലെ കൊഴുപ്പുകള്‍ എരിച്ചു കളയാന്‍ വളരെ നല്ലൊരു വ്യായാമമാണിത്.
ഇതിനായി തറയില്‍ കമഴ്ന്നു കിടന്ന് കൈകള്‍ രണ്ടും ഇരുവശത്തായി കുത്തി, പാദങ്ങളും കൈപ്പത്തികളും തറയില്‍ അമര്‍ത്തി, കൈമുട്ടുകള്‍ നിവര്‍ത്തി ശരീരം ഉയര്‍ത്തുക. ഈ സമയം കാല്‍മുട്ടുകള്‍ നിവര്‍ന്നിരിക്കണം. രണ്ട് സെക്കന്‍ഡ് ഈ നിലയില്‍ തുടര്‍ന്ന ശേഷം കൈമുട്ടുകള്‍ മാത്രം മടക്കി ശരീരം താഴ്ത്തണം. ഇത് കഴിയാവുന്ന ആവര്‍ത്തി ചെയ്യുക. കൈകള്‍ക്ക് ബലം വര്‍ധിക്കാനും കോര്‍ എരിയയെ ശക്തിപ്പെടുത്താനും ഈ വര്‍ക്കൗട്ടിന് കഴിയും
പ്ലാങ്ക്
ഇതിനായി ഒരു ബ്ലാങ്കറ്റോ മാറ്റുകളോ ഉപയോഗിക്കാവുന്നതാണ് . കൈമുട്ടുകളും കാല് വിരലുകളും മാത്രം നിലത്തു കുത്തി ശരീരമുയര്‍ത്തി നിലത്തിനു സമാന്തരമായി നില്‍ക്കുക. കൈത്തണ്ടയും കാല്‍വിരലുകളും മാത്രം നിലത്തുറപ്പിച്ച് ശരീരത്തിന്റെ മധ്യഭാഗം അല്‍പം ഉയര്‍ത്തിപ്പിടിക്കണം. ഇങ്ങനെ ചെയ്യുമ്പോള്‍ ശരീരം വളയാതെ ശ്രദ്ധിക്കുക. ഈ നിലയില്‍ എത്ര സമയം നില്‍ക്കാന്‍ പറ്റുന്നോ അത്ര നേരം നില്‍ക്കു. ദിനംപ്രതി പ്ലാങ്ക് പൊസിഷനില്‍ നില്‍ക്കുന്ന സമയവും കൂട്ടിക്കൊണ്ടുവരിക.
ബൈസപ് കള്‍സ്
ഒരു ജോഡി ഡംബില്‍സിന്റെ സഹായത്തോടെ ചെയ്യാവുന്ന ഒരു വര്‍ക്കൗട്ടാണിത്. നിന്നുകൊണ്ടോ ഒരു സ്റ്റൂളില്‍ ഇരുന്നുകൊണ്ടോ ഇത് ചെയ്യാവുന്നതാണ്.
ഡംബെല്‍സ് കൈകളില്‍ പിടിച്ചു പതിയെ താഴേക്ക് കൊണ്ടു വന്ന ശേഷം ഷോള്‍ഡര്‍ ലെവലില്‍ ഉയര്‍ത്തുക. ഒരു തവണ ഇടതു കൈയെങ്കില്‍ അടുത്ത തവണ വലതുകൈ ഉപയോഗിച്ച് ചെയ്യുക. തുടക്കക്കാര്‍ പത്ത് വീതമുള്ള മൂന്ന് സെറ്റ് ചെയ്താല്‍ മതിയാകും.
കാര്‍ഡിയോ
പല തരത്തിലുള്ള വ്യായാമങ്ങളും കാര്‍ഡിയോയുടെ കീഴില്‍ വരുന്നു. ഓട്ടം, ചാട്ടം, സൈക്ലിംഗ് എന്നിവ ഇതില്‍ ഉള്‍പ്പെടുന്നു. കാര്‍ഡിയോയുടെ സഹായത്തോടെ കൈയിലെ കൊഴുപ്പ് കുറയ്ക്കാം.
ബോളിവുഡ് നടി പൂജാ ഹെഗ്ഡെയുടെ ആരോഗ്യകരമായ ജീവിത ശൈലിയും ഫിറ്റ്നസിനോടുള്ള അര്‍പ്പണബോധവും നമ്മെ ഏവരേയും വിസ്മയിപ്പിക്കും. ബോളിവുഡിലെ മറ്റ് താരങ്ങളായ ജാന്‍വി കപൂര്‍, സാറാ അലി ഖാന്‍ തുടങ്ങിയ താരങ്ങള്‍ക്കൊപ്പം പൈലേറ്റ്‌സ് സ്റ്റുഡിയോയില്‍ പരിശീലനം നടത്തി പുറത്തിറങ്ങുന്ന ഫോട്ടോകള്‍ പാപ്പരാസികള്‍ പലപ്പോഴായി പുറത്തുവിട്ടിട്ടുണ്ട്. ഇപ്പോള്‍ ജിമ്മില്‍ പരിശീലനം നടത്തുന്ന ഏറ്റവും പുതിയ വീഡിയോ ആരാധകര്‍ക്കായി പങ്കുവെച്ചിരിക്കുകയാണ് പൂജ. പൂജയുടെ ആകര്‍ഷകമായ ശരീരത്തിന്‍രെ രഹസ്യം വെളിപ്പെടുത്തുന്ന വര്‍ക്കൗട്ട് വീഡിയോ ആണിത്. വീഡിയോ നിങ്ങളേയും ഏറെ പ്രചോദിതരാക്കും.
തന്റെ ശരീരത്തില്‍ മുഴുവന്‍ ശ്രദ്ധ കേന്ദ്രീകരിക്കാന്‍ കഴിയുന്ന സ്ലോ ബേണ്‍ വര്‍ക്കൗട്ട് വീഡിയോ ആണ് ഇന്‍സ്റ്റഗ്രാമില്‍ താരം പങ്കുവെച്ചിരിക്കുന്നത്. ‘മന്ദഗതിയിലുള്ളതും നിയന്ത്രിതവുമായ ചലനങ്ങള്‍, അടുത്ത തവണ ഇത് പരീക്ഷിക്കൂ എന്ന കുറിപ്പോടെയാണ് പൂജ വീഡിയോ പങ്കുവെച്ചിരിക്കുന്നത്.
വണ്‍ ലെഗ് ബാലന്‍സിങ് എക്‌സര്‍സൈസിനൊപ്പം സൈഡ് ലഞ്ചുകള്‍ ചെയ്തുകൊണ്ടാണ് താരം ഈ വര്‍ക്കൗട്ട് ചെയ്തു തുടങ്ങുന്നത്. ശരീരത്തിലെ എല്ലാ പേശികളും പ്രവര്‍ത്തനക്ഷമമാക്കാനും ദിനചര്യ കൂടുതല്‍ ഫലപ്രദമാക്കാനും ഈ വര്‍ക്കൗട്ട് രീതി താരത്തെ സഹായിക്കുന്നു. പരിശീലകന്റെ നിര്‍ദേശത്തിനൊപ്പമാണ് പൂജ ഇത് പരിശീലിക്കുന്നത്.
പൂജയുടെ വീഡിയോ പോസ്റ്റ് ചെയ്ത് ഒരു മണിക്കൂറിനുള്ളില്‍ ഒരു ലക്ഷത്തിലധികം ലൈക്കുകളും നൂറുകണക്കിന് കമന്റുകളുമാണ് ഇന്‍സ്റ്റാഗ്രാമില്‍ നേടിയിരിക്കുന്നത്. ഉയര്‍ന്ന ഫിറ്റ്നസില്‍ നിങ്ങളുടെ ആഴ്ച അവസാനിപ്പിക്കാനും ശരീരത്തിലെ അധിക കലോറികള്‍ എരിച്ച് കളയാനും വീഡിയോ നിങ്ങളെ പ്രചോദിതരാക്കും
സ്ലോ ബേണ്‍ വ്യായാമത്തിന്റെ പ്രയോജനങ്ങള്‍:
സ്ലോ ബേണ്‍ എന്നത് സ്‌ട്രെങ്ത് ട്രെയിനിങിന്റെ ഒരു രൂപമാണ്. വളരെ സാവധാനവും സുഗമവും നിയന്ത്രിതവുമായ ലിഫ്റ്റിംഗ്, ലോറിംഗ് ചലനങ്ങളാണ് ഇതിലുള്ളത്. ഇത് ഹൃദയത്തെ സമ്മര്‍ദത്തിലാക്കാതെ പേശികള്‍ കൂടുതല്‍ കാര്യക്ഷമമായി രൂപപ്പെടാന്‍ സഹായിക്കുകയും ഉപാപചയ(മെറ്റബോളിസം) പ്രവര്‍ത്തനങ്ങള്‍ കാര്യക്ഷമമാക്കുകയും ചെയ്യുന്നു.
Celebrities
80 കിലോ അനായാസം ഉയര്‍ത്തി സ്‌ക്വാറ്റ് വര്‍ക്കൗട്ട് ചെയ്യുന്ന നടി ഉര്‍വശി ശര്‍മ!; വീഡിയോ വൈറല്‍
പ്രശസ്ത മോഡലും ബോളിവുഡ് നടിയും നിര്‍മ്മാതാവായ സച്ചിന്‍ ജോഷിയുടെ ഭാര്യയുമാണ് ഉര്‍വശി ശര്‍മ്മ . ഇപ്പോള്‍ രണ്ട് കുട്ടികളുടെ മാതാവ് കൂടിയാണിവര്‍. എങ്കില്‍ പോലും ഫിറ്റ്നസ് നിലനിര്‍ത്തുന്ന കാര്യത്തില് ഏറെ ശ്രദ്ധാലുവാണ് താരം. ഫിറ്റ്നസ് നിലനിര്‍ത്താനായി ജിമ്മില്‍ മണിക്കൂറുകളോളം വിയര്‍പ്പൊഴുക്കാന്‍ ഇവര്‍ക്ക് യാതൊരു മടിയുമില്ല. കൊറോണ മഹാമാരി കാലത്തും തന്റെ ഫിറ്റ്നസിന് ഉര്‍വശി വളരെയധികം പ്രാധാന്യം നല്‍കിയിരുന്നു. നടിയെന്ന നിലയിലും കുടുംബിനിയെന്ന നിലയിലും ജീവിതം ഏറെ തിരക്ക് പിടിച്ചതാണെങ്കിലും ജിമ്മില്‍ ചിലവഴിക്കാന്‍ ഇവര്‍ എന്നും സമയം കണ്ടെത്താറുണ്ട്. അടുത്തിടെ ഉര്‍വശി സോഷ്യല്‍ മീഡിയയില്‍ പങ്കുവെച്ച ഫിറ്റ്നസ് വീഡിയോ ഇന്റര്‍നെറ്റില്‍ വൈറലായിരിക്കുകയാണ്.
താരം ഇന്‍സ്റ്റാഗ്രാം അക്കൗണ്ടില്‍ പങ്കുവെക്കുന്ന ഫിറ്റ്നസ് പോസ്റ്റുകള്‍ പലപ്പോഴും ആരാധകരെ ഏറെ ആശ്ചര്യപ്പെടുത്താറുണ്ട്. ഇതിനിടെയാണ് ഉര്‍വ്വശിയുടെ പുതിയ പോസ്റ്റ് സോഷ്യല്‍ മീഡിയയില്‍ തരംഗമാകുന്നത് . ഉര്‍വ്വശി 80 കിലോ ഭാരം ഉപയോഗിച്ച് സ്‌ക്വാറ്റ് വര്‍ക്കൗട്ട് ചെയ്യുന്നതാണ് വീഡിയോയില്‍ കാണുന്നത്. താരം വളരെ അനായാസമായി ചെയ്യുന്ന വര്‍ക്കൗട്ടിന്റെ ഈ വീഡിയോ കണ്ട് ആരാധകര്‍ ആശ്ചര്യപ്പെടുകയാണ്. താരത്തെ അഭിനന്ദിച്ച് പലവിധ കമന്റുകളാണ് വീഡിയോക്ക് ലഭിക്കുന്നത്. ചിലര്‍ വീഡിയോയില്‍നിന്നും ഏറെ പ്രചോദിതരായെന്നും കമന്റ് ചെയ്യുന്നു.
വിവാഹത്തിന് ശേഷം അഭിനയ ജീവിതത്തില്‍ അത്ര സജീവമല്ലെങ്കിലും ഭര്‍ത്താവ് സച്ചിന്‍ ജോഷിയുടെ ഹോം പ്രൊഡക്ഷനിലും മറ്റും ഇവര്‍ സജീവ പങ്കാളിയാണ്. ഇതിന് പുറമെ അമ്മയുടെ കടമകള്‍ ഭംഗിയായി നിര്‍വഹിക്കുന്ന ഉര്‍വശി ആരോഗ്യ പരിപാലനത്തിനായി സമയം കണ്ടെത്തുന്നുവെന്നത് എല്ലാ അമ്മമാര്‍ക്കും മാതൃകയാക്കാവുന്നതാണ്.
വീണ്ടും അത്ഭുതപ്പെടുത്തി പിങ്കി റോഷന്‍; വീഡിയോ വൈറല്‍
weight loss|ബുദ്ധിപൂര്‍വ്വം വര്‍ക്കൗട്ട് ചെയ്തു; ശരീര ഭാരം 24 കിലോ കുറച്ച ടിപ്‌സ് പങ്കുവെച്ച് യുവാവ്
Fat loss and Treadmill | 15 കിലോ വരെ കുറയ്ക്കാം; 30 മിനിറ്റ് ട്രെഡ്മില്‍ വര്‍ക്ക്ഔട്ട് പങ്കുവെച്ച് ഫാറ്റ് ലോസ് കോച്ച്
-
Fitness Tips3 months agoFat loss and Treadmill | 15 കിലോ വരെ കുറയ്ക്കാം; 30 മിനിറ്റ് ട്രെഡ്മില്‍ വര്‍ക്ക്ഔട്ട് പങ്കുവെച്ച് ഫാറ്റ് ലോസ് കോച്ച്
-
Fitness Tips3 months agoweight loss|ബുദ്ധിപൂര്‍വ്വം വര്‍ക്കൗട്ട് ചെയ്തു; ശരീര ഭാരം 24 കിലോ കുറച്ച ടിപ്‌സ് പങ്കുവെച്ച് യുവാവ്
-
Celebrities3 months agoവീണ്ടും അത്ഭുതപ്പെടുത്തി പിങ്കി റോഷന്‍; വീഡിയോ വൈറല്‍