പ്രായത്തെ വെല്ലുന്ന പ്രകടനം കാഴ്ചവെക്കുന്നവരെ കാണുമ്പോള്‍ പലരും പറയുന്ന ഒന്നാണ് പ്രായം വെറും നമ്പര്‍ മാത്രമെന്ന് . അത്തരത്തില്‍ പ്രായത്തെ വെല്ലുന്ന പ്രകടനം കാഴ്ച വെക്കുന്ന ഒരു മുത്തശ്ശിയെ കുറിച്ചാണ് ഇവിടെ പറയുന്നത്. ഈ മുത്തശ്ശിക്ക് പ്രായം എണ്‍പതാണെങ്കിലും യൗവ്വനത്തിന്റെ പ്രസരിപ്പാണ് അവരില്‍ നിറഞ്ഞു നില്‍ക്കുന്നത്. കൊച്ചുമകന്റെ ചലഞ്ചിന് മുന്നില്‍ ഒരു തരി കൂസാതെ നിസാരമായി ചെയ്്തുകാണിക്കുകയാണ് ഈ മുത്തശ്ശി.
വര്‍ക്കൗട്ടുകളില്‍ തന്നെ അല്‍പം കടുപ്പമെന്ന് ചെറുപ്പക്കാര്‍ പോലും കരുതുന്ന ഓവര്‍ഹെഡ് പ്രസ്
ചെയ്തുകാണിക്കാമോ എന്നായിരുന്നു കൊച്ചുമകന്റെ ചലഞ്ച്. ഇതൊക്കെ ചെറുത് ,എന്ന നിസാര ഭാവത്തില്‍ ചെയ്തുകാണിച്ചിരിക്കുകയാണ് മുത്തശ്ശി. പഞ്ചാബി ഇന്‍ഡസ്ട്രി എന്ന ഇന്‍സ്റ്റഗ്രാം പേജിലാണ് വീഡിയോ വന്നത്. എന്നാല്‍ ഈ മുത്തശ്ശിയെ കുറിച്ചോ ഇവരുടെ കൊച്ചുമകനെ കുറിച്ചോ അധികം വിവരങ്ങളൊന്നും പോസ്റ്റില്‍ ഇല്ല. എണ്‍പതാം വയസിലും ഇത്തരം ഒരു അഭ്യാസം കാഴ്ചവെച്ച മുത്തശ്ശിയെ കണ്ട് അത്ഭുതപ്പെടുകയാണ് വീഡിയോ കണ്ടവര്‍.
