ഇന്നത്തെ ഡിജിറ്റല്‍ യുഗത്തില്‍ സ്ത്രീകള്‍ ഏറെ തിരക്കിലാണ്. പ്രത്യേകിച്ച് ജോലിക്ക് പോകുന്ന സ്ത്രീകള്‍. അവര്‍ അവരുടെ കുടുംബത്തെയും കുട്ടികളെയും ജോലിയെയും ഒരേ സമയം പരിപാലിക്കേണ്ടതുണ്ട്. അത്തരമൊരു സാഹചര്യത്തില്‍ സ്ത്രീകള്‍ അവരുടെ ആരോഗ്യത്തെ അവഗണിക്കുകയാണ് പതിവ് . എന്നാല്‍ പതിവ് ചുമതലകള്‍ നിറവേറ്റാന്‍ ആരോഗ്യം നിലനിര്‍ത്തേണ്ടതുണ്ടെന്നും പോഷകസമൃദ്ധമായ ഭക്ഷണം കഴിക്കണം എന്നുമുള്ള കാര്യങ്ങള്‍ മറന്നു പോകരുത്.
സ്ത്രീകളള്‍ക്ക് ആരോഗ്യകരവും പോഷകകരവുമായ ജീവിതം നയിക്കാന്‍ ഏറ്റവും മികച്ചതായ ചില സൂപ്പര്‍ ഫുഡുകളെ കുറിച്ചാണ് ഇവിടെ പറയുന്നത്.
പാല്: സ്ത്രീകള്‍ ഭക്ഷണത്തില്‍ കൊഴുപ്പ് കുറഞ്ഞ പാല് നിര്‍ബന്ധമായും ഉള്‍പ്പെടുത്തണം.. പാലില്‍ വിറ്റാമിന്‍ ഡിയും കാല്‍സ്യവും ധാരാളമായി അടങ്ങിയിട്ടുണ്ട്. വിറ്റാമിന്‍ ഡി ശരീരത്തിലേക്ക് കാല്‍സ്യം എത്തിക്കാന്‍ സഹായിക്കുന്നു.
തക്കാളി: ഇത് സ്ത്രീകള്‍ക്ക് ഒരു സൂപ്പര്‍ ഫുഡായി കണക്കാക്കപ്പെടുന്നു. സ്തനാര്‍ബുദത്തില്‍ നിന്ന് സ്ത്രീകളെ സംരക്ഷിക്കുന്ന ലൈക്കോപീന്‍ എന്ന പോഷകം ഇതില്‍ അടങ്ങിയിട്ടുണ്ട്. ഹൃദയ സംബന്ധമായ രോഗങ്ങളെ ചെറുക്കാന്‍ സഹായിക്കുന്ന ആന്റി ഓക്സിഡന്റുകള്‍ തക്കാളിയില്‍ ധാരാളമുണ്ട്. തക്കാളി ചര്‍മ്മത്തെ ആരോഗ്യകരമാക്കുകയും പ്രായമാകുന്നത് തടയുകയും ചെയ്യുന്നു.
ബീന്‍സ്: ഹൃദ്രോഗം, സ്തനാര്‍ബുദം എന്നിവയ്ക്കുള്ള സാധ്യത കുറയ്ക്കുന്നു. ധാരാളം പ്രോട്ടീനും നാരുകളും നിറഞ്ഞതാണ് ബീന്‍സ്. അവയില്‍ കൊഴുപ്പിന്റെ അളവ് വളരെ കുറവാണ്. ബീന്‍സ് കഴിക്കുന്നതു ഹോര്‍മോണുകളുടെ സന്തുലിതാവസ്ഥ നിലനിര്‍ത്തുന്നു.
സോയാബീന്‍: പ്രോട്ടീന്‍, ഇരുമ്പ്, വിറ്റാമിന്‍ ഡി എന്നിവ അടങ്ങിയ സോയാബീന്‍ സ്ത്രീകള്‍ നിര്‍ബന്ധമായും ഭക്ഷണത്തില്‍ ചേര്‍ക്കണം. സോയാബീന്‍, ടോഫു തുടങ്ങിയ സോയാബീന്‍ ഉപയോഗിച്ച് ഉണ്ടാക്കുന്ന ഉല്‍പ്പന്നങ്ങളും ഭക്ഷണത്തില്‍ ചേര്‍ക്കാം.
തൈര്: സ്ത്രീകള്‍ തൈരോ കൊഴുപ്പ് കുറഞ്ഞ യോഗര്‍ട്ടോ ദിവസവും കഴിക്കണം. നിരവധി പഠനങ്ങളില്‍, തൈര് സ്തനാര്‍ബുദ സാധ്യത കുറയ്ക്കുന്നതായി കണ്ടെത്തിയിട്ടുണ്ട്. വയറുമായി ബന്ധപ്പെട്ട പ്രശ്‌നങ്ങള്‍ ഇല്ലാതാക്കാനും തൈര് സഹായിക്കുന്നു. ഇത് അള്‍സര്‍, യോനിയിലെ അണുബാധ എന്നിവയ്ക്കുള്ള സാധ്യത കുറയ്ക്കുന്നു, മാത്രമല്ല എല്ലുകളെ ശക്തിപ്പെടുത്താനും ഇത് ആവശ്യമാണ്.
മത്സ്യം: നിങ്ങള്‍ ഒരു നോണ്‍ വെജിറ്റേറിയന്‍ ആണെങ്കില്‍, മത്സ്യം നിങ്ങള്‍ക്ക് ആരോഗ്യകരമായ ഒരു ഭക്ഷണമാണ്. സ്ത്രീകള്‍ നിര്‍ബന്ധമായും സാല്‍മണ്‍, മത്തി, അയല എന്നിവ ഭക്ഷണത്തില്‍ ഉള്‍പ്പെടുത്തണം. മത്സ്യത്തില്‍ ഒമേഗ -3 ഫാറ്റി ആസിഡുകള്‍ അടങ്ങിയിട്ടുണ്ട്, ചര്‍മ്മ പ്രശ്‌നങ്ങള്‍, ഹൃദ്രോഗങ്ങള്‍, സ്‌ട്രോക്ക്, ഹൈപ്പര്‍ ടെന്‍ഷന്‍, വിഷാദം, സന്ധി വേദന, വീക്കം എന്നിവ കുറയ്ക്കാന്‍ മത്സ്യം സഹായിക്കും.
ബെറികള്‍: സ്ത്രീകളുടെ ആരോഗ്യത്തിന് ബെറികള്‍ വളരെ നല്ലതാണ്. സ്‌ട്രോബെറി, റാസ്‌ബെറി, ബ്ലൂബെറി, ക്രാന്‍ബെറി എന്നിവ ഭക്ഷണത്തില്‍ ഉള്‍പ്പെടുത്തണം. ബെറികളില്‍ കാന്‍സറിനെ ചെറുക്്കുന്ന പോഷകങ്ങളുണ്ട്. ഇവ സ്തന, വന്‍കുടല്‍ കാന്‍സറില്‍ നിന്ന് സ്ത്രീകളെ സംരക്ഷിക്കുന്നു. സരസഫലങ്ങളാായ ഇവയില്‍ വിറ്റാമിന്‍ സി, ഫോളിക് ആസിഡ് എന്നിവ അടങ്ങിയിട്ടുണ്ട്, ഗര്‍ഭിണികള്‍ ഇത് കഴിക്കുന്നത് നല്ലതാണ്. മൂത്രനാളിയിലെ അണുബാധ അകറ്റാനും ബെറികള്‍ ഏറെ ഗുണം ചെയ്യും.
