സമീപ കാലങ്ങളില്‍ ആഗോളതലത്തില്‍ തന്നെ വിവിധ തരത്തിലുള്ള മാനസികരോഗങ്ങള്‍ വലിയ ആരോഗ്യ പ്രശ്‌നമാണ് ഉണ്ടാക്കുന്നത്. അനാരോഗ്യകരമായ ജീവിതശൈലികള്‍, മോശം ഭക്ഷണശീലങ്ങള്‍, ജോലി സംബന്ധമായ സമ്മര്‍ദ്ദങ്ങള്‍ എന്നിവയാണ് ഉത്കണ്ഠയുടെയും വിഷാദത്തിന്റെയും വര്‍ദ്ധിച്ചുവരുന്ന ഘടകങ്ങള്‍ക്ക് കാരണമാകുന്നത്. ഉത്കണ്ഠയും വിഷാദവും ചികിത്സിക്കുന്നതില്‍ സൈക്കോട്ടിക് മരുന്നുകള്‍ ഫലപ്രദമാണെങ്കിലും മരുന്നുകളുടെ ദീര്‍ഘകാല ഉപയോഗം പലപ്പോഴും അവ ഉപേക്ഷിക്കാന്‍ കഴിയാത്ത അവസ്ഥയിലേക്ക് നയിക്കുന്നു.ഇക്കാരങ്ങളാല്‍ പലപ്പോഴും മരുന്നുകള്‍ മാനസികാരോഗ്യം മെച്ചപ്പെടുത്തുന്നതിന് സമഗ്രമായ പരിഹാരമാകുന്നില്ല.
മോശം മാനസികാരോഗ്യത്താല്‍ ബുദ്ധിമുട്ടുന്ന ആളുകള്‍ക്ക് അവരുടെ ദൈനംദിന ജീവിതത്തില്‍ പ്രാചീന ഇന്ത്യന്‍ യോഗാ സമ്പ്രദായം സ്വീകരിക്കുന്നതിലൂടെ സമ്പന്നവും ദീര്‍ഘകാലവുമായ നേട്ടങ്ങള്‍ കൊയ്യാനാകുമെന്നാണ് ഈ മേഖലയിലെ വിദഗ്ധര്‍ പറയുന്നത്. നല്ല മാനസികവും ശാരീരികവുമായ ആരോഗ്യം നിലനിര്‍ത്താന്‍ യോഗ സഹായിക്കുന്നു. ഇത് നമ്മുടെ ശരീരത്തെയും മനസ്സിനെയും ഉത്തേജിപ്പിക്കുകയും വൈകാരിക സന്തുലിതാവസ്ഥ പുനസ്ഥാപിക്കുകയും ചെയ്യുന്നു. വിഷാദരോഗം, ഉത്കണ്ഠ, ശ്രദ്ധക്കുറവ്/ഹൈപ്പര്‍ ആക്റ്റിവിറ്റി ഡിസോര്‍ഡര്‍ എന്നിവയില്‍ യോഗയ്ക്ക് നല്ല സ്വാധീനം ചെലുത്തുമെന്നതിന് വര്‍ദ്ധിച്ചുവരുന്ന തെളിവുകള്‍ ഉണ്ട്. യോഗ ദൈനംദിന പരിശീലനമായി സ്വീകരിക്കുമ്പോള്‍, മനസ്സിനെ ശാന്തമാക്കാനും മാനസികരോഗങ്ങളുടെ വികസനം തടയാനും സഹായിക്കും
പല ജീവിതശൈലി രോഗങ്ങളുടെയും മൂലകാരണം സമ്മര്‍ദ്ദമാണ്. ആധുനിക ജീവിതത്തിന്റെ സമ്മര്‍ദ്ദം ലഘൂകരിക്കുന്നതിന് വ്യായാമവും വിശ്രമവും എന്ന ശാസ്ത്രീയ സമീപനമാണ് യോഗ സ്വീകരിക്കുന്നത്. നേരിയ ഓര്‍മ വൈകല്യമുള്ള പ്രായമായ ആളുകളില്‍ മെമ്മറി, ഉറക്കം, ജീവിത നിലവാരം എന്നിവ മെച്ചപ്പെടുത്തുന്നതിനും യോഗ സംഭാവന ചെയ്യുന്നു
അതേ സമയം ഒരു യോഗ വിദഗ്ധന്റെ മേല്‍നോട്ടത്തിലായിരിക്കണം യോഗ പരിശീലനങ്ങള്‍ പഠിക്കേണ്ടതാണ് എന്നത് ശ്രദ്ധിക്കേണ്ടതാണ്. യോഗ ആത്യന്തികമായി ജീവിതത്തോട് ശാന്തമായ സമീപനം സ്വീകരിക്കുന്നതിലേക്ക് നയിക്കുന്നു
