Fitness Tips
walking | നടത്തം നിങ്ങളെ ശരീരഭാരം കുറക്കാന്‍ സഹായിക്കും; ഈ ടിപ്‌സുകള്‍ പിന്തുടരുമെങ്കില്‍
സാധാരണഗതിയില്‍ ഫിറ്റ്‌നസിനെ കുറിച്ച് ആദ്യമായി ചിന്തിക്കുന്ന ഒരാള്‍ തിരഞ്ഞെടുക്കുന്ന ഒരു മാര്‍ഗമാണ് നടത്തം. ഒരാള്‍ ദിവസവും 10,000 ചുവടുകള്‍ നടന്നാല്‍ അയാളുടെ ഭാരം കുറയാന്‍ തുടങ്ങുകയും ഏതാനും ദിവസങ്ങള്‍ക്കുള്ളില്‍ ശരീരത്തിലെ കൊഴുപ്പ് അപ്രത്യക്ഷമാകാന്‍ തുടങ്ങുകയും ചെയ്യുമെന്ന് ഒരു പഠനത്തില്‍ പറയുന്നു. മെഡിക്കല്‍ വാര്‍ത്തകള്‍ അനുസരിച്ച്, നടത്തത്തിലൂടെ മാത്രം ശരീരഭാരം കുറയ്ക്കാന്‍ ആഗ്രഹിക്കുന്ന ആളുകള്‍ പ്രതിദിനം 10,000 ചുവടുകളെങ്കിലും നടക്കേണ്ടത് പ്രധാനമാണ്. എന്നിരുന്നാലും, നിങ്ങള്‍ക്ക് ഇതിന് സമയമില്ലെങ്കില്‍, നിങ്ങളുടെ ചില ശീലങ്ങള്‍ മാറ്റിക്കൊണ്ട് നിങ്ങള്‍ക്ക് ആ ലക്ഷ്യം നേടിയെടുക്കാനാകും. അവയെന്താണെന്ന് പരിചയപ്പെടാം.
ലിഫ്റ്റിന് പകരം പടികള്‍ ഉപയോഗിക്കുക.
കുറച്ചു ദൂരെ വണ്ടി പാര്‍ക്ക് ചെയ്ത് ഓഫീസിലേക്കോ മാര്‍ക്കറ്റിലേക്കോ കാല്‍നടയായി പോകുക. ഉച്ചഭക്ഷണത്തിന് ശേഷം നടക്കുക. ഓഫീസില്‍, സ്വന്തമായി വെള്ളം എടുക്കാന്‍ പുറത്ത് പോകുക
ഒരു പഠനമനുസരിച്ച്, 12 ആഴ്ചയില്‍ മൂന്ന് ദിവസവും കുറഞ്ഞത് ഒരു മണിക്കൂറെങ്കിലും നടന്ന സ്ത്രീകളില്‍ അരക്കെട്ട് 1.1 ഇഞ്ചും ശരീരത്തിലെ കൊഴുപ്പ് 1.5% കുറയ്ക്കുന്നു.
നടത്തം വേഗത്തിലാക്കു
നിങ്ങള്‍ വേഗത്തില്‍ നടക്കുമ്പോള്‍, നിങ്ങളുടെ ശരീരം വന്‍തോതില്‍ കലോറി കത്തിക്കുന്നു. ശരീരഭാരം കുറയ്ക്കാന്‍ നിങ്ങള്‍ ആഗ്രഹിക്കുന്നുവെങ്കില്‍, പതുക്കെ ആരംഭിക്കുക, തുടര്‍ന്ന് 5 മിനിറ്റ് കഴിഞ്ഞ് വേഗത്തില്‍ നടക്കുക.
റിസ്റ്റ് വെയ്റ്റ് ധരിക്കുക
റിസറ്റ് വെയ്റ്റ് ധരിച്ച് നടക്കുമ്പോള്‍, കൊഴുപ്പ് 12 മുതല്‍ 15% വരെ വേഗത്തില്‍ കത്തിക്കുന്നു. അതിനാല്‍ വെയ്റ്റഡ് വെസ്റ്റ് ബാന്‍ഡ് ഉപയോഗിച്ച് നടക്കുക.
മുകളിലേക്ക് കയറുക
മലയോരത്ത് നടക്കുമ്പോള്‍ കൂടുതല്‍ കലോറി എരിച്ചുകളയുന്നു. തല്‍ഫലമായി, നിങ്ങള്‍ ആഴ്ചയില്‍ മൂന്ന് തവണ മലകയറ്റ പ്രദേശത്ത് നടന്നാല്‍, അത് നിങ്ങള്‍ക്ക് കൂടുതല്‍ പ്രയോജനം ചെയ്യും. എന്നാല്‍ ആരോഗ്യസംബന്ധമായ അസുഖങ്ങളുള്ളവര്‍ ഇക്കാര്യം വിദഗ്ധ ഉപദേശത്തിന് ശേഷം ചെയ്യുന്നതാണ് നല്ലത്.
ഭാവത്തില്‍ ശ്രദ്ധിക്കുക
നടക്കുമ്പോള്‍ നിങ്ങളുടെ വയര്‍ സ്‌ട്രെച്ച് ചെയ്ത് നേരെ മുന്നോട്ട് നോക്കി നടക്കുക. അത് നിങ്ങളുടെ ശരീരത്തിന് ഗുണം ചെയ്യും. അതിനാല്‍, എപ്പോഴും നേരെയും മുന്നോട്ടും നടക്കുക.
നടത്തതിനിടയില്‍ ഇക്കാര്യം കൂടി പരിശീലിക്കുക
നടക്കുമ്പോള്‍ സ്‌ക്വാറ്റുകള്‍, പുഷ്അപ്പുകള്‍, പുള്‍അപ്പുകള്‍, ബര്‍പ്പികള്‍, മറ്റ് വ്യായാമങ്ങള്‍ എന്നിവ ചെയ്താല്‍ നിങ്ങളുടെ പേശി വളര്‍ച്ച ത്വരിത ഗതിയിലാവുകയും ശരീരം ഫിറ്ററായി കാണാനും കഴിയും.