മലയാളത്തിലടക്കം നിരവധി ആരാധകരുള്ള താരമാണ് ഖുശ്ബു . മലയാളത്തിലെ മുന്‍ നിര നായകര്‍ക്കൊപ്പം നിരവധി വേഷങ്ങള്‍ ചെയ്തിട്ടുണ്ട് താരം. ബോളിവുഡിലാണ് തുടക്കമെങ്കിലും തെന്നിന്ത്യന്‍ സിനിമകളിലാണ് ഏറെയും താരം വേഷമിട്ടത്. വിവാഹ ശേഷം ചലച്ചിത്ര മേഖലയില്‍ അത്ര സജീവമല്ലാതിരുന്ന ഖുശ്ബു അടുത്തിടെ കോണ്‍ഗ്രസില്‍നിന്നും ബിജെപിയിലേക്ക് ചേക്കേറിയത് വലിയ വാര്‍ത്തയായിരുന്നു. കഴിഞ്ഞ കുറച്ച് നാളുകളായി ശരീര ഭാരം കുറക്കാനുള്ള അശ്രാന്ത പരിശ്രമത്തിലായിരുന്നു ഖുശ്ബു. ചിട്ടയായ ജീവിത രീതിയിലൂടെ 15 കിലോ കുറച്ചതിന് ശേഷമുള്ള ചില ചിത്രങ്ങള്‍ മാസങ്ങള്‍ക്ക് മുമ്പ് ഖുശ്ബു സമൂഹമാധ്യമത്തില്‍ പങ്കുവെച്ചിരുന്നു. ആരാധകര്‍ ഏറെ ആവേശത്തോടെയാണ് ഖുശ്ബുവിന്റെ ഈ ബോഡി ട്രാന്‍സ്‌ഫോമേഴ്‌സനെ എതിരേറ്റത്. തങ്ങള്‍ക്ക് ഏറെ പ്രചോദനകരമാണ് താരത്തിന്റെ മാറ്റമെന്നായിരുന്നു പലരും പ്രതികരിച്ചത്. എന്നാല്‍ ഏവര്‍ക്കും അറിയേണ്ടത് ഈ മാറ്റത്തിന്റെ രഹസ്യമെന്തന്നായിരന്നു. ലോക്ക്ഡൗണ്‍ സമയത്ത് വീട്ടലെ എല്ലാ കാര്യങ്ങളും മറ്റൊരാളുടെ സഹായമില്ലാതെ ചെയ്തതും വര്‍ക്കൗട്ടുമെന്നായിരുന്നു താരം ഇതിന് നല്‍കിയ ഉത്തരം.
‘വീട്ടിലെ അടിച്ച് തുടക്കലും പാത്രങ്ങള്‍ കഴുകലും ഞാന്‍ ഒറ്റക്ക് ചെയ്തു തീര്‍ത്തു. പൂന്തോട്ട സംരക്ഷണം മുതല്‍ ടോയ്‌ലറ്റ് ക്ലീനിങ് വരെ ഏറ്റെടുത്തു. ഇതിനു പുറമെ ഡയറ്റും യോഗയും പ്ലാങ്ക് എക്‌സസൈസും പതിവ് തെറ്റാതെ പിന്തുടര്‍ന്നതുമാണ് എന്റെ മാറ്റത്തിന് പിന്നില്‍’- ഖുശ്ബു ട്വീറ്റ് ചെയ്തു.
എന്നാല്‍ ഇപ്പോള്‍ ശരീരഭാരം കുറച്ചപ്പോള്‍ അസുഖമാണോ എന്നു ചോദിച്ചവര്‍ക്ക് ഉത്തരവുമായി എത്തിയിരിക്കുകയാണ് നടി. 20 കിലോ ഭാരമാണ് ഖുശ്ബു ഇപ്പോള്‍ കുറച്ചത്. ഭാരം കുറയ്ക്കുന്നതിനും മുന്‍പും ശേഷവുമുള്ള ചിത്രങ്ങള്‍ ട്വിറ്ററിലൂടെ പങ്കുവച്ചു കൊണ്ടാണ് താരം തന്റെ സന്തോഷം പ്രകടിപ്പിച്ചിരിക്കുന്നത്.’20 കിലോ കുറച്ച് എന്റെ ഏറ്റവും മികച്ച ആരോഗ്യഘട്ടത്തിലെത്തിയിരിക്കുന്നു. നിങ്ങളും നിങ്ങളുടെ ആരോഗ്യം നോക്കുക. ഓര്‍ക്കുക, ആരോഗ്യമാണ് സമ്പത്ത്. എനിക്ക് അസുഖമാണോ എന്നു ചോദിച്ചവരോട്, നിങ്ങളുടെ ഉത്കണ്ഠയ്ക്ക നന്ദി. മുന്‍പൊരിക്കലും ഞാന്‍ ഇത്രയും ഫിറ്റ് ആയി ഇരുന്നിട്ടില്ല. ഇവിടെയുള്ള 10 പേരെയെങ്കിലും തടി കുറച്ച് ഫിറ്റ്ആക്കാന്‍ ഞാന്‍ പ്രചോദനമായിട്ടുണ്ടെങ്കില്‍ അതാണ് എന്റെ വിജയം.’ താരം ട്വീറ്റ് ചെയ്തു.എന്താണ് വെയ്റ്റ് ലോസ് സീക്രട്ട് എന്നു ചോദിച്ച ആരാധകര്‍ക്കായി കഠിനാധ്വാനവും ഡയറ്റിനൊപ്പമുള്ള വര്‍ക്ഔട്ടുമാണെന്നും താരം മറുപടിയും നല്‍കി.നിരവധി പേരാണ് ട്വീറ്റിനോട് പ്രതികരിച്ചിരിക്കുന്നത്.
